بۇل تۋرالى وڭىرلىك كوممۋنيكاسيالار قىزمەتىندە وتكەن بريفينگتە «قارجى ورتالىعى» اق وكىلدەرى ايتتى.
سپيكەرلەردىڭ ايتۋىنشا، جاتاقحانا سالۋ وتە ءتيىمدى ينۆەستيسيا.
بريفينگ بارىسىندا «قارجى ورتالىعى» اق ىلگەرىلەتۋ جانە سىرتقى كوممۋنيكاسيالار دەپارتامەنتىنىڭ ديرەكتورى اينۇر ساعىندىقوۆا الماتىلىقتارعا الداعى 8 جىلعا مەملەكەتتىك تاپسىرىستى ورنالاستىرۋدىڭ ورنىنا ستۋدەنتتەر جاتاقحانالارىن سالۋ ۇسىنىلىپ جاتقانىن ايتتى، دەپ حابارلايدى Almaty-akshamy.kz.
«قازىرگى تاڭدا ەلىمىزدە ستۋدەنتتىك جاتاقحانالاردا بەلگىلى ءبىر ورىن تاپشىلىعى بايقالادى. بۇل ماسەلەنى شەشۋ ءۇشىن شوب سۋبەكتىلەرىنىڭ بەلسەندى قاتىسۋىن كوزدەيتىن مەملەكەتتىك تاپسىرىس مەحانيزمى ازىرلەندى. كاسىپكەر ءوز قاراجاتى ەسەبىنەن نىسانعا كىرەدى. ءساتتى كىرگەن كەزدە مەملەكەت مەملەكەتتىك تاپسىرىس بەرەدى. مەملەكەتتىك تاپسىرىستى ورنالاستىرۋدىڭ باستى شارتى – ستۋدەنتتىڭ تۇراتىن جەرى»، - دەدى ا.ساعىندىقوۆا.
«قارجى ورتالىعى» وكىلىنىڭ ايتۋىنشا، كەز كەلگەن الەۋمەتتىك نىساننىڭ قۇرىلىسى تابىستى، تۇراقتى عانا ەمەس، بولاشاعى زور بيزنەس جوبا. مۇنىڭ ءبارى نىساندى ءوز قاراجاتىنا سالعان جوباعا قاتىسۋشىنىڭ 8 جىل بويى پايدالانۋعا بەرىلگەننەن كەيىن ءاربىر العان توسەك ورنى ءۇشىن مەملەكەتتەن تولەماقى الاتىندىعىنان.
ءبىر ستۋدەنتكە شاققانداعى مەملەكەتتىك تاپسىرىستىڭ جىلدىق مولشەرى كەلەسى كورسەتكىشتەردەن تۇرادى: قۇرىلىس – 122 اەك، الماتى قالاسى بويىنشا – 144 اەك، قايتا قۇرۋ – 47 اەك، نۇر-سۇلتان جانە الماتى قالاسى بويىنشا – 92 اەك.
ايتا كەتەرلىگى، بۇگىندە رەسپۋبليكا بويىنشا ستۋدەنتتەر جاتاقحانالارىندا جالپى ورىن تاپشىلىعى 84 129 توسەك-ورىن بولسا، ونىڭ 40 417ء-سى الماتى قالاسىندا.
اينۇر ساعىندىقوۆا جوبانىڭ ارقاسىندا 2019 جىلى 9166 ورىندى 10 جاتاقحانا، 2020 جىلى 20 266 ورىندىق 75 جاتاقحانا جانە 2021 جىلى 30 630 ورىندى 124 جاتاقحانا سالىنعانىن ايتتى.
الماتىدا 2018-2021 جىلدار ارالىعىندا 3970 توسەك-ورىندى 19 ستۋدەنتتىك جاتاقحانا پايدالانۋعا بەرىلدى. بيىل مەگاپوليس 1696 ورىندىق ءۇش ستۋدەنتتىك جاتاقحانانى پايدالانۋعا بەرۋدى جوسپارلاپ وتىر.
بريفينگتىڭ تاعى ءبىر قاتىسۋشىسى، «قارجى ورتالىعى» اق ىلگەرىلەتۋ جانە سىرتقى كوممۋنيكاسيالار ءبولىمىنىڭ ساراپشىسى دياس دجامبۋلوۆ كاسىپكەرلەرگە جاتاقحانا عيماراتتارىن سالۋ عانا ەمەس، قايتا جوندەۋ جۇمىستارى دا ۇسىنىلىپ جاتقانىن ايتتى.
«ەگەر كاسىپكەر قۇرىلىس سالۋعا نيەت بىلدىرسە، وندا ول «قارجى ورتالىعى» اق-نا جەر تەلىمىنىڭ قۇجاتتارىن تاپسىرۋى كەرەك. ستۋدەنتتىك جاتاقحاناعا قايتا قۇرۋدى قاجەت ەتەتىن عيماراتى بولسا، قۇجاتىن دا تاپسىرىپ، ونىمەن الدىن الا كەلىسىمشارت جاسالادى. كەلەسى كەزەكتە نىساندى 24 اي ىشىندە پايدالانۋعا بەرۋ. قارجىلىق رەسۋرستار جەتكىلىكسىز بولعان جاعدايدا، جەڭىلدىكتى نەسيە الۋ ءۇشىن «دامۋ» قورىنا جۇگىنۋگە بولادى»، - دەپ ءتۇسىندىردى د.دجامبۋلوۆ.
20 جىل بويى جاتاقحانانى باسقا ماقساتتا پايدالانۋعا بولمايتىنىن ەستە ۇستاعان ءجون. دەگەنمەن، كەيىن نىساندى كەپىلگە، ساتۋعا، جالعا بەرۋگە بولادى.
ءسوزىنىڭ سوڭىندا «قارجى ورتالىعىنىڭ» وكىلى جاتاقحانا قۇرىلىسىنىڭ تەتىگىن جەتىلدىرۋ بويىنشا جاڭا شارالارعا توقتالدى.
«ينۆەستورلارمەن تالقىلاۋ قورىتىندىسى بويىنشا مەملەكەتتىك تاپسىرىستى ورنالاستىرۋ مەحانيزمىن قايتا قاراۋدىڭ كەلەسى نۇسقاسى ۇسىنىلدى: تولەم مەرزىمىن 8 جىلدان 6 جىلعا دەيىن قىسقارتۋ، سونىمەن بىرگە تولەمدەر كولەمىن 20%-عا ارتتىرۋ. ەگەر بۇگىندە الماتى قالاسىندا 8 جىلعا تولەم نورماسى 144 اەك بولسا، 6 جىلعا ءار جىل ىشىندە 230 اەك ۇسىنىلادى»، - دەدى د. دجامبۋلوۆ.
سونداي-اق، سپيكەر ستۋدەنتتىك جاتاقحانا سالۋعا شەشىم قابىلداعان ينۆەستورلاردىڭ ءبىرقاتار ارتىقشىلىقتارى بارىن، ولار قوسىمشا تابىس كوزدەرىنە يە بولاتىنىن ەسكە سالدى. مىسالى، ستۋدەنتتەردىڭ اي سايىنعى تۇرۋ اقىسى مەملەكەتتىك تاپسىرىس قۇنىنا كىرمەيدى. ونىڭ كولەمىن جاتاقحانا يەسى رەتتەيدى جانە بەلگىلى ءبىر ايماقتاعى تۇرعىن ءۇي نارىعىنىڭ جاعدايلارىمەن انىقتالادى. سونداي-اق، ول نەگىزگى تۇتىنۋشىلارى تۇرعىندار (اسحانا، شاشتاراز، سپورت زالى جانە ت.ب.) بولاتىن جەكە قىزمەتتەردى كورسەتۋ ءۇشىن كوممەرسيالىق كەڭىستىك قۇرا الادى.