ونلاين ساناقتىڭ قالاي وتىزىلەتىنى تۋرالى ايتىپ بەرگەن ايدار ابىلدابەكوۆ 1 قىركۇيەكتەن 15 قازانعا دەيىنگى ساناقتا ينتەرنەت-رەسۋرستار ارقىلى ساناقتىڭ ونلاين رەجيمىندە وتۋىنە بايلانىستى sanaq.gov.kz، ە-gov.kz ارقىلى قول جەتكىزۋ تاۋلىك بويى قامتاماسىز ەتىلەدى دەدى.
«ساناقشىلار ۇيلەردى ارالايدى، ولاردىڭ ءارقايسىسىندا دەرەكتەردى جيناۋ مەن وڭدەۋدى تەزدەتەتىن ەلەكتروندى پلانشەت بولادى. بۇل ادام فاكتورىنىڭ دەرەكتەر ساپاسىنا اسەرىن ازايتۋعا، جسن قولدانۋ ارقىلى انىقتىق دەڭگەيىن ارتتىرۋعا جانە اقپاراتتىڭ قايتالانۋىن بولدىرماۋعا مۇمكىندىك بەرەدى»، - دەپ ناقتىلادى الماتى قالاسى بويىنشا ستاتيستيكا دەپارتامەنتىنىڭ باسشىسى ايدار ابىلدابەكوۆ ايتىپ بەردى، دەپ حابارلايدى Almaty-akshamy.kz
ەسكە سالساق، بۇعان دەيىن ەكى ساناق ءوتتى – 1999 جىلى (14،98 ملن قازاقستاندىق) جانە 2009 جىلى (16 ملن).
بيىل ساناقتى وتكىزۋ ءۇشىن شارتتىق نەگىزدە اۋدان، ۋچاسكە بويىنشا ۋاكىلدەر، نۇسقاۋشى-باقىلاۋشىلار، تىركەۋشىلەر مەن ينتەرۆيۋەرلەر رەتىندە بارلىعى 3412 ادام قاتىسادى.
حالىق ساناعىنىڭ دايىندىق كەزەڭىنە 1-30 ماۋسىم ارالىعىندا الماتى قالاسى بويىنشا 48 نۇسقاۋشى-باقىلاۋشى مەن 618 تىركەۋشى قاتىسادى. ينتەرۆيۋەرلەر ادامداردىڭ مەكەنجايى مەن سانىن ناقتىلاۋ ءۇشىن بارلىق تۇرعىن جانە تۇرعىن ەمەس ءۇي-جايلاردى ارالايدى.
«ينتەرۆيۋەردە ءتيىستى مورمەن راستالعان كۋالىك، اينالىپ وتۋگە جاتاتىن وبەكتىلەردىڭ ءتىزىمى بار ءموبيلدى قوسىمشاسى بار پلانشەت، سونداي-اق 2021 جىلعى ۇلتتىق ساناقتىڭ سيمۆولى بار كوك ءتۇستى بوكەباي پەن پورتفەل بولادى. ينتەرۆيۋەر تۋرالى قوسىمشا اقپاراتتى sanaq.gov.kz سايتىنان بىلۋگە بولادى. وندا رەسپۋبليكا بويىنشا ينتەرۆيۋەردىڭ تەگى، اتى، اكەسىنىڭ اتى مەن ونىڭ كۋالىگىنىڭ ءنومىرى كورسەتىلگەن ءتىزىم جاريالانادى»، – دەپ حابارلادى ايدار ابىلدابەكوۆ.
1 قىركۇيەكتەن 15 قازانعا دەيىنگى ساناقتا نەگىزگى ەكپىن مامانداندىرىلعان ينتەرنەت-رەسۋرستار ارقىلى ساناقتىڭ ونلاين رەجيمىندە وتۋىنە بايلانىستى sanaq.gov.kz، ە-gov.kz ارقىلى قول جەتكىزۋ تاۋلىك بويى قامتاماسىز ەتىلەدى. وسىلايشا ساناق بارلىعىنا ىڭعايلى بولادى. بۇل دەگەنىمىز – قالا تۇرعىندارى قاي جەردە ورنالاسقانىنا قاراماستان، وزدەرىنە جانە وتباسى مۇشەلەرىنە ساناق پاراقتارىن تولتىرا وتىرىپ، پروسەدۋرادان ءوز بەتىنشە وتە الادى. سونىمەن قاتار، ءوز بەتىنشە وتكەن ءاربىر ادام تەلەفونعا SMS-حابارلاما الادى، بۇل ونىڭ ساناققا قاتىسۋىن راستايدى.
ءداستۇرلى جاپپاي ارالاۋ 1-30 قازان ارالىعىندا سانيتارلىق نورمالاردى ساقتاي وتىرىپ، ونلاين-رەجيمدە ساناقتان وتپەگەن رەسپوندەنتتەر اراسىندا وتكىزىلەتىن بولادى.
پلانشەتتەرگە ءموبيلدى قوسىمشالار جۇكتەلەدى، ونىڭ كومەگىمەن ينتەرۆيۋەر جىكتەۋىشتەر مەن انىقتامالىقتاردى قولدانا وتىرىپ، سالىنعان بارلىق اريفمەتيكالىق-لوگيكالىق باقىلاۋلاردى ەسكەرىپ،ساۋالناما جۇرگىزەدى. الىنعان مالىمەتتەر تىكەلەي جالپى مالىمەتتەر بازاسىنا جىبەرىلەدى. دەرەكتەر زاڭناما تالاپتارىنا ساي قۇپيا بولادى.