الماتىلىقتار سايلاۋ ۋچاسكەلەرىنە وتباسىمەن بىرگە كەلىپ جاتىر

الماتىدا تۇرعىندار تاڭنان باستاپ سايلاۋ ۋچاسكەلەرىنە وتباسىمەن كەلىپ جاتىر. جەتىسۋ اۋدانىندا نەمەرە-شوبەرەلەرىمەن بىرگە ەرلى-زايىپتى ازاماتتىق بورىشىن ورىنداۋ ءۇشىن كەلگەن، ولار بۇل كۇنى التىن تويلارىن اتاپ وتۋدە، دەپ حابارلايدى aqshamnews.kz

قانايەۆتار جانە كوبەسوۆتار وتباسى جاسىنا قاراماستان، اەس قۇرىلىسى بويىنشا رەفەرەندۋمدا داۋىس بەرۋ ءۇشىن العاشقىلاردىڭ ءبىرى بولىپ كەلدى.

«رەفەرەندۋم – قازىرگى قازاقستان تاريحىنداعى ماڭىزدى كەزەڭ. ءاربىر ازاماتتىڭ سارالانعان شەشىمىنە بولاشاق ۇرپاقتىڭ ءومىرى بايلانىستى. بۇگىن مەن جۇبايىممەن، بالالارىممەن بىرگە كەلدىم جانە ازاماتتاردى بەلسەندىلىك تانىتۋعا شاقىرامىن»، – دەدى نۇرعالي قانايەۆ.

سونداي-اق، رەفەرەندۋمدا العاشقىلاردىڭ ءبىرى بولىپ كوبەسوۆتار وتباسى دا داۋىس بەردى.

«بۇگىن جۇبايىم ەكەۋىمىز 50 جىل وتاسقانىمىزدى اتاپ ءوتىپ جاتىرمىز، وسى ۋاقىت ىشىندە كوپ نارسەنى باستان وتكەردىك. قازىرگى قازاقستاندا حالىق ەل بولاشاعىن ءوزى ايقىندايتىنى قۋانتادى، سوندىقتان اركىم سايلاۋ ۋچاسكەسىنە كەلىپ، تاڭداۋىن جاساۋى ماڭىزدى»، – دەدى بەيسەنحان كوبەسوۆ.

ەسكە سالا كەتەيىك، بۇگىن قازاقستاندا اەس قۇرىلىسى ماسەلەسى بويىنشا رەسپۋبليكالىق رەفەرەندۋم ءوتىپ جاتىر. 

الماتى اكىمى ەربولات دوسايەۆ تا جۇبايىمەن بىرگە №388 مەكتەپ-ليسەيدە ورنالاسقان سايلاۋ ۋچاسكەسىنە العاشقىلاردىڭ ءبىرى بولىپ كەلىپ، داۋىس بەردى. الماتىدا بارلىعى 624 سايلاۋ ۋچاسكەسى جۇمىس ىستەيدى، ولار ساعات 20:00-گە دەيىن اشىق بولادى.