ول ءۇشىن سمارتفونداعى باعدارلاماعا كىرىپ، دابىل تۇيمەسىن باسۋ قاجەت.
الماتىدا ادامداردىڭ ومىرىنە ءقاۋىپ تونگەن جاعدايدا كومەك الۋعا مۇمكىندىك بەرەتىن ارنايى قوسىمشا پايدا بولدى، دەپ حابارلايدى Almaty-akshamy.kz Almaty.tv-عا سىلتەمە جاساپ.
پايدالانۋشىعا تەك سمارتفونعا جۇكتەلگەن باعدارلاماعا كىرىپ، دابىل تۇيمەسىن باسۋ قاجەت. جەدەل ارەكەت ەتۋ توبى 5-10 مينۋت ارالىعىندا شاقىرتۋ ورىنىنا جەتەدى. جوبا اۆتورىنىڭ ايتۋىنشا، ءموبيلدى قوسىمشا قىلمىستىڭ الدىن الۋعا مۇمكىندىك بەرەدى. سونداي-اق مەملەكەتتىك ورگاندارعا حالىقتىڭ قاۋىپسىزدىگىن جانە قۇقىقتىق ءتارتىپتىڭ ساقتالۋىن قامتاماسىز ەتۋگە سەپتەسەدى.
«ءقازىر كەز كەلگەن ادام قوسىمشا ارقىلى تاعامعا، ازىق-تۇلىككە تاپسىرىس بەرىپ، تاكسي دە شاقىرا الادى. سوندىقتان بىزگە دابىل نۇكتەسى ارقىلى جۇمىس ىستەيتىن ءموبيلدى باعدارلامانى جاساۋ تۋرالى وي كەلدى. قوسىمشادا ەكيپاجبەن بايلانىسىپ، قانداي كومەك كەرەك ەكەنىن تۇسىندىرۋگە دە مۇمكىندىك جاسالعان»، – دەدى يننوۆاسيالىق جوبانىڭ نەگىزىن قالاۋشى فەليكس كۋرمانوۆ.