الماتىلىقتار مەملەكەتتىك ءانۇراندى ساياباقتاردا، سوسو مەن قوعامدىق كەڭىستىكتەردە تىڭدايدى

قالا تۇرعىندارى مەملەكەتتىك ءانۇراندى اباي الڭىندا تىڭداي الادى

4 ماۋسىمدا قازاقستاندا مەملەكەتتىك رامىزدەر كۇنى اتاپ وتىلەدى. بۇل كۇنى الماتى اكىمدىگىنىڭ باستاماسىمەن ساعات 10.00-دە مەملەكەتتىك ءانۇراندى قوسۋ جانە ورىنداۋ ءۇشىن فلەشموب وتەدى، دەپ حابارلايدى Almaty-akshamy.kz.

مەگاپوليس تۇرعىندارى مەن قوناقتارىن وسى اكسياعا قوسىلىپ، ءانۇران شىرقالعان كەزدە بارلىق ءتارتىپ ەرەجەلەرىن ساقتاي وتىرىپ، مەملەكەتتىك ءانۇراندى ورىنداۋعا شاقىرادى.

قالا تۇرعىندارى مەملەكەتتىك ءانۇراندى اباي الڭىندا (رەسپۋبليكا سارايى الدىندا) تىڭداي الادى.

اكسيانىڭ ماقساتى — ازاماتتىق پەن پاتريوتتىققا، ءوز وتانى — قازاقستان رەسپۋبليكاسىنا دەگەن سۇيىسپەنشىلىككە تاربيەلەۋ، ەلدىڭ مەملەكەتتىك رامىزدەرىنە دەگەن قۇرمەتتى قالىپتاستىرۋ، سونداي-اق ولاردىڭ ءمانى مەن ماڭىزىن ءتۇسىندىرۋ.

ەسكە سالساق، مەملەكەتتىك ءانۇراندى كوپشىلىك الدىندا ورىنداۋ كەزىندە جينالعاندار تۇرىپ ءان ايتادى (تىڭدايدى)، ال قازاقستان رەسپۋبليكاسىنىڭ ازاماتتارى وڭ قولىن جۇرەك تۇسىنا قويادى. مەملەكەتتىك ءانۇران ءماتىنى مەن مۋزىكالىق باسىلىمعا سايكەس مەملەكەتتىك تىلدە ورىندالادى.