ءزىلزالا وشاعى الماتى قالاسىنان 261 شاقىرىم جەردە
الماتى تۇرعىندارى جەر سىلكىنىسىن سەزىندى، دەپ حابارلايدى Almaty-akshamy.kz قازاقپاراتقا سىلتەمە جاساپ.
«28 قاڭتار كۇنى ساعات 23:17-دە الماتى قالاسىندا جەر سىلكىنىسى تىركەلدى. ەشقانداي زاقىم بولعان نەمەسە قيراعان جاعداي بايقالعان جوق، احۋال تۇراقتى. «112» جانە «101» جۇيەلەرىنە تۇرعىنداردان قوڭىراۋ تۇسكەن جوق.
«قازسەلدەنقورعاۋ» مم مالىمەتتەرى بويىنشا، گيدروتەحنيكالىق قۇرىلىستاردا، كوشكىن جانە سەل ءجۇرۋ ءقاۋپى بار ۋچاسكەلەردە ءبۇلىنۋ، شوگۋ جانە جارىقشاقتار انىقتالعان جوق»، - دەلىنگەن توتەنشە جاعدايلار دەپارتامەنتىنىڭ مالىمەتىندە.
«سەيسمولوگيالىق تاجىريبە ادىستەمەلىك ەكسپەديسياسى» مم سەيسميكالىق ستانسيالار جەلىسىنىڭ دەرەگىنشە، ءزىلزالا وشاعى الماتى قالاسىنان 261 شاقىرىم جەردە، وڭتۇستىك شىعىسقا قاراي الماتى قىرعىز رەسپۋبليكاسى اۋماعىندا جانە جۇڭگو شەكاراسىندا ورنالاسقان.
ەنەرگەتيكالىق ساناتى - 13.4 MPV، ماگنيتۋداسى – 6.2. تەرەڭدىگى – 25 شاقىرىم. مSك-64 باعانى بويىنشا الماتىدا 2 -3 بالل قۋاتىمەن سەزىلگەن.