الماتىلىقتار جەمىستى، تۇركىستاندىقتار ناندى كوپ جەيدى ەكەن

بيۋرو تۇرعىنداردىڭ ەڭ كوپ تۇتىناتىن، ساتىپ الاتىن ازىق-تۇلىك ءتىزىمى وزگەرمەگەنىن مالىمدەدى.

قازاقستان حالقى ەڭ كوپ قارجىسىن ەت جانە ەت ونىمدەرىنە (17.4%) جۇمسايدى. ەكىنشى دەڭگەيدە سۇرانىس نان مەن جارما ونىمدەرىنە (8%) كوپ. سونداي-اق ءسۇت ونىمدەرىن الۋ ءۇشىن جۇرتىمىز تابىسىنىڭ 5،4% بولەدى.

«ايماقتار اراسىندا جەكەلەگەن ازىق-تۇلىك ونىمدەرىنىڭ تۇتىنىلۋىن سالىستىراتىن بولساق، نان مەن جارما ونىمدەرىن تۇركىستان وبلىسىنىڭ تۇرعىندارى ەڭ كوپ تۇتىنعان – 44،1 كگ (توقسانىنا جان باسىنا شاققاندا)، ەت جانە ەت ونىمدەرى بويىنشا جامبىل وبلىسى – 25،8 كگ، بالىق ونىمدەرىن شقو، بقو جانە سقو تۇرعىندارىنىڭ داستارقانىنان ءجيى كورۋگە بولادى – ءبىر ادامعا شاققاندا توقسانىنا 5،2 كگ، كوكونىستەر بويىنشا تۇركىستان وبلىسىنداعىلار – 23،8 كگ، جەمىستى الماتىلىقتار كوپ جەيدى – 22،1 كگ، ال تاتتىلەر جان باسىنا شاققاندا ۇلىتاۋ وبلىسىندا – 14،4 كگ كوپ تۇتىنىلعان»، دەلىنگەن ۇلتتىق ستاتيستيكا بيۋروسىنىڭ حابارلاماسىندا.

كەيىنگى بەس جىلداعى زەرتتەۋلەر نەگىزىندە ەت پەن بالىقتى تۇتىنۋ كورسەتكىشى جىل سايىن ءىV توقساندا، ال كوكونىستەر مەن جەمىستەردى تۇتىنۋ ءىىى توقساندا كوبەيەتىنى انىقتالدى.