الماتىدا تۇرعىن ءۇي ماڭىنداعى اۋماقتاردى كوگالداندىرۋعا جانە قالا تۇرعىندارى اراسىندا ەكولوگيالىق مادەنيەتتى قالىپتاستىرۋعا باعىتتالعان «جاسىل اۋلا» ەكولوگيالىق اكسياسىنىڭ كۇزگى كەزەڭى اياقتالدى، دەپ حابارلايدى aqshamnews.kz
بۇل تۋرالى الماتىنىڭ ەكولوگيا جانە قورشاعان ورتا باسقارماسىنىڭ وكىلدەرى حابارلادى.
اكسيا جىل سايىن كوكتەم مەن كۇز مەزگىلىندە وتكىزىلەدى، بۇل قالا تۇرعىندارىن، كوممۋنالدىق قىزمەت پەن قوعامدىق ۇيىمداردى بىرىكتىرەتىن يگى ءىس-شاراعا اينالدى. جوبانىڭ باستى ماقساتى – الماتىلىقتاردى كورىكتەندىرۋ ىسىنە تارتۋ جانە ءۇي جانىندا جايلى جاسىل ورتا قالىپتاستىرۋ.
باسقارمانىڭ مالىمەتىنشە، 18-19 قازاندا وتكەن اكسيا بارىسىندا 55 ءوتىنىم قابىلدانىپ، قاناعاتتاندىرىلدى. قالا تۇرعىندارىنا 528 كوشەت، ونىڭ ىشىندە 409 اعاش جانە 119 بۇتا بەرىلدى.
اكسيا بارىسىندا بوستاندىق اۋدانىنىڭ تۇرعىندارى ەرەكشە بەلسەندىلىك تانىتتى، ءۇي ماڭىنداعى جانە قوعامدىق اۋماقتارعا وتىرعىزۋ ءۇشىن 124 كوشەت الدى. اۋدان قالالىق ورتانى كوگالداندىرۋعا جوعارى باستاماشىلىق پەن قىزىعۋشىلىق تانىتتى.
ەكولوگيا جانە قورشاعان ورتانى قورعاۋ باسقارماسى اكسيا قاتىسۋشىلارىنىڭ بەلسەندىلىگىن ارتتىراتىنىن، قالانىڭ ەكولوگيالىق كەلبەتىن جاقسارتاتىنىن اتاپ ءوتتى. جوبا تۇرعىندار مەن قالا قىزمەتتەرى اراسىنداعى ارىپتەستىكتى نىعايتۋعا، قورشاعان ورتاعا جاۋاپكەرشىلىكپەن قاراۋعا، الماتىنىڭ جاسىل قورىن كوزدىڭ قاراشىعىنداي ساقتاۋعا ىقپال ەتەدى.