قازاقستاندىقتار اراسىندا 10 گرامم التىن قۇيما سۇرانىستا.
ەل تۇرعىندارى 8 تونناعا جۋىق التىن ساتىپ الدى، دەپ حابارلايدى aqshamnews.kz ق ر ۇلتتىق بانكىنىڭ باسپا ءسوز قىزمەتىنە سىلتەمە جاساپ.
"ق ر ۇلتتىق بانكى 2024 جىلدىڭ قورىتىندىسى بويىنشا ەكىنشى دەڭگەيلى بانكتەرگە (ەدب) جانە بانكتىك ەمەس جەكەلەگەن ايىرباستاۋ پۋنكتەرىنە جالپى سالماعى 1،7 توننا 47 395 ولشەمەلى قۇيما ساتتى"، - دەلىنگەن حابارلامادا.
2024 جىلى قۇيمالار كوپ ساتىلعان وڭىرلەر:
الماتى (32 735 دانا، 69 پايىز)،
شىمكەنت (5 200 دانا، 11 پايىز)
قاراعاندى (2 209 دانا، 5 پايىز).
"وسىلايشا، 2024 جىلى ەكىنشى دەڭگەيلى بانكتەر مەن بانكتىك ەمەس جەكەلەگەن ايىرباستاۋ پۋنكتەرى كەرى ساتىپ الۋدى ەسكەرگەندە، حالىققا جالپى سالماعى 2،5 توننا 71 106 قۇيما ساتتى. باعدارلاما ىسكە قوسىلعالى جالپى سالماعى 7،9 توننا بولاتىن 222 680 التىن قۇيما ساتىلدى".
حالىق اراسىندا سۇرانىسقا يە قۇيما سالماعى – 10 گرامم. جالپى ساتىلعان كولەم ىشىندە ونىڭ ۇلەسى 25 پايىز – 54 875 دانا. ودان كەيىن 5 گرامدىق قۇيما – 49 145 دانا (22 پايىز)، 100 گرامدىق قۇيما – 47 943 دانا (22 پايىز)، 20 گرامدىعى – 40 843 دانا (18 پايىز) جانە 50 گرامدىق قۇيما – 29 874 دانا (13 پايىز).