الماتى قالاسى بويىنشا ساۋدا جانە تۇتىنۋشىلاردىڭ قۇقىقتارىن قورعاۋ دەپارتامەنتى 2024 جىلدىڭ باسىنان بەرى تۇرعىنداردان 4 مىڭعا جۋىق ءوتىنىشتى قارادى.
بۇل تۋرالى وڭىرلىك كوممۋنيكاسيالار قىزمەتىنىڭ بريفينگىندە ق ر ساۋدا جانە ينتەگراسيا مينيسترلىگىنىڭ الماتى قالاسى بريىنشا ساۋدا جانە تۇتىنۋشىلاردىڭ قۇقىقتارىن قورعاۋ دەپارتامەنتى باسشىسىنىڭ ورىنباسارى نۋرلان ابدييەۆ مالىمدەدى، دەپ حابارلايدى Almaty-akshamy.kz
دەپارتامەنت جۇمىسىنىڭ نەگىزگى باعىتتارىنىڭ ءبىرى حالىققا كەڭەس بەرۋ، اقپاراتتاندىرۋ، سونداي-اق ساۋدا جانە تۇتىنۋشىلاردىڭ قۇقىقتارىن قورعاۋ سالاسىنداعى زاڭنامانىڭ ساقتالۋىنا مەملەكەتتىك باقىلاۋدى جۇزەگە اسىرۋ بولىپ تابىلادى.
2024 جىلدىڭ 5 ايىندا دەپارتامەنت ازاماتتاردىڭ 4000-عا جۋىق ءوتىنىشىن قارادى. وتىنىشتەردى قاراۋ قورىتىندىسى بويىنشا جوسپاردان تىس 20 تەكسەرۋ جۇرگىزىلدى. تۇتىنۋشىلارعا 100 918 331 تەڭگە قايتارىلدى. سونداي-اق، وسى كەزەڭدە دەپارتامەنت 102 اكىمشىلىك جازا قولداندى.
"تۇتىنۋشىلاردىڭ قۇقىقتارىن قورعاۋ سالاسىنداعى نەگىزگى بۇزۋشىلىق تۇتىنۋشىنىڭ شاعىمىنا 10 كۇندىك كۇنتىزبەلىك مەرزىمدە جاۋاپ بەرمەۋ، ساۋدا سالاسىندا-الەۋمەتتىك ماڭىزى بار ازىق – تۇلىك تاۋارلارىنا زاڭنامادا بەلگىلەنگەن ساۋدا ۇستەمەسىن بۇزۋ بولىپ تابىلادى"، – دەدى نۋرلان ابدييەۆ.
دەپارتامەنت جۇمىسىنىڭ ماڭىزدى باعىتى ساۋدا جانە تۇتىنۋشىلاردىڭ قۇقىقتارىن قورعاۋ سالاسىنداعى زاڭناما نورمالارىن ساقتاۋ بويىنشا ءىس-شارالار كەشەنىن جۇرگىزۋ بولىپ تابىلادى.
وتىنىشتەردىڭ نەگىزگى ۇلەسى دەپارتامەنت جۇيەلى تۇردە قارايتىن بولشەك ساۋدا جانە ەلەكتروندىق ساۋدا سالاسىنا تيەسىلى. تكش قىزمەتتەرى سالاسىندا ءوتىنىش تۇسكەن كەزدە دەپارتامەنت ماسەلەنى جەدەل شەشۋ ءۇشىن الماتى قالاسىنىڭ جەرگىلىكتى اتقارۋشى ورگاندارىمەن تۇراقتى نەگىزدە جۇمىس جۇرگىزەدى.
ءبىلىم بەرۋ قىزمەتتەرى، مەديسينالىق قىزمەتتەر كورسەتۋ سالاسىنا، سونداي-اق قوعامدىق تاماقتاندىرۋ سالاسىندا كەلىپ تۇسەتىن وتىنىشتەر، مۇندا وتىنىشتەردىڭ نەگىزگى اعىمى تاۋاردىڭ (جۇمىستىڭ، كورسەتىلەتىن قىزمەتتىڭ) تۇتىنۋشىلىق قاسيەتتەرىنە نەمەسە ساپاسىنا قاتىستى جاڭىلىستىرۋ جولىمەن كەلىپ تۇسەدى، دەپارتامەنتتىڭ جۇمىسى تۇتىنۋشىنىڭ پايداسىنا جەدەل شەشىم قابىلداۋ ءۇشىن ىشكى ىستەر ورگاندارىمەن تىعىز ىنتىماقتاستىقتا جاسالادى. سونداي-اق، بايلانىس قىزمەتتەرى سالاسىنداعى وتىنىشتەرگە قاتىستى ماسەلەلەر بويىنشا دەپارتامەنت الماتىنىڭ ۇيالى بايلانىس وپەراتورلارىمەن ءوزارا بەلسەندى ءىس-قيمىل جاسايدى.
وكق سپيكەرى تۇرمىستىق قىزمەت كورسەتۋ سالاسىندا تۇتىنۋشىلار كوبىنەسە ساپاسىز قىزمەت الاتىنىن اتاپ ءوتتى. دەپارتامەنت تۇتىنۋشىلارمەن ءتۇسىندىرۋ جۇمىستارىن جۇرگىزەدى، سوتقا دەيىنگى ارى قاراي سوتتارعا ءۇشىنشى تۇلعالار رەتىندە قاتىسۋ تالاپتارىن جاساۋدا قۇقىقتىق كومەك كورسەتەدى.
سونداي-اق، دەپارتامەنت الماتى قالاسىنىڭ قوعامدىق ۇيىمدارىمەن قالا ازاماتتارىنىڭ تۇتىنۋشىلىق قۇقىقتارىن قورعاۋ سالاسىندا بەلسەندى جۇمىس جۇرگىزۋدە.
وسى كورسەتكىشتەردى تالداۋ ناتيجەسى تۇتىنۋشىلىق قۇقىقتىق مادەنيەتتىڭ ارتۋى تۋرالى دا، جوسىقسىز كاسىپكەرلىك قىزمەتتىڭ وسكەنىن كورسەتكەن.
«ساپالى ءونىم» الەۋمەتتىك جوباسى اياسىندا الماتى قالاسىنىڭ قوعامدىق ۇيىمدارى تاماق ونىمدەرىنىڭ قاۋىپسىزدىك ساپاسىنىڭ سايكەستىگىن انىقتاۋ ءۇشىن شەتەلدىك وندىرۋشىلەردىڭ 19-عا جۋىق ءونىم اتاۋىن ساتىپ الىپ، تاماق ونىمدەرىنىڭ سىناق زەرتحاناسىنا ساراپتاما جۇرگىزۋگە جىبەرىلدى. قازاقستان رەسپۋبليكاسىنىڭ اكىمشىلىك قۇقىق بۇزۋشىلىق تۋرالى كودەكسىنە سايكەس 13 بيزنەس سۋبەكتىسى اكىمشىلىك جاۋاپكەرشىلىككە تارتىلدى.
«دەپارتامەنت قىزمەتىندەگى باسىم باعىت تۇراقتى نەگىزدە جۇرگىزىلەتىن جانە ونىڭ شەڭبەرىندە الەۋمەتتىك ماڭىزى بار ازىق – تۇلىك تاۋارلارىنا باعا بەلگىلەۋ تۋرالى ماسەلەلەر قارالاتىن ازىق-تۇلىك تاۋارلارىنا باعا بەلگىلەۋدىڭ بارلىق تىزبەكتەرى بويىنشا دەلدالدىق سحەمالاردى تەرگەۋ جونىندەگى كوميسسيانىڭ وتىرىستارىن ۇيلەستىرۋ جانە وتكىزۋ بولىپ تابىلادى»، - دەدى ن. ابدييەۆ.
ول 2024 جىلدىڭ 5 ايىنىڭ قورىتىندىسى بويىنشا كوميسسيا قىزمەتىنىڭ ناتيجەلەرى بويىنشا 17 وتىرىس وتكىزىلگەنىن، ءتيىمسىز دەلدالدار تۇرىندەگى بۇزۋشىلىقتاردىڭ 202 فاكتىسى، سونداي-اق ساۋدا سالاسىنداعى زاڭنامانىڭ بۇزىلۋى انىقتالعانىن جانە جويىلعانىن، جوسىقسىز كاسىپكەرلەرگە قاتىستى 186 اكىمشىلىك حاتتاما جاسالعانىن اتاپ ءوتتى.
«ۇسىنىلعان ماتەريالداردىڭ ناتيجەلەرى بويىنشا ساۋدا سالاسىنداعى زاڭنامانى بۇزعانى ءۇشىن اكىمشىلىك شارالار قابىلدانادى، سونداي – اق تۇتىنۋشىلار ءۇشىن ءونىمنىڭ سوڭعى قۇنى تومەندەتىلەدى»، - دەپ ناقتىلادى نۋرلان ابدييەۆ.
بۇدان بولەك، بۇقارالىق اقپارات قۇرالدارىندا جانە الەۋمەتتىك جەلىلەردە تۇتىنۋشىلاردىڭ قۇقىقتارى مەن ساتۋشىلاردىڭ مىندەتتەرىن، تۇتىنۋشىلاردىڭ قۇقىقتارىن قورعاۋ جانە ساۋدا قىزمەتىن رەتتەۋ تۋرالى زاڭنىڭ جاڭادان ەنگىزىلگەن وزگەرىستەرىن تۇسىندىرە وتىرىپ، ءتۇسىندىرۋ جۇمىستارى تۇراقتى نەگىزدە جۇرگىزىلەدى.
«بۇل باعىتتاعى جۇمىس تۇراقتى باقىلاۋدا جانە جالعاستىرىلاتىن بولادى»، - دەپ تولىقتىردى نۋرلان ابدييەۆ.
ازاماتتار زاڭدى قۇقىقتارى بۇزىلعان جاعدايدا ماقاتايەۆ كوشەسى، 45 مەكەنجايى بويىنشا «فەميدا» قالالىق تۇتىنۋشىلاردىڭ قۇقىقتارىن قورعاۋ ورتالىعىنا حابارلاسا الادى. تەلەفوندار: +7 702-958-4996، +7 707-308-7474.