الماتىلىق تۇرعىننىڭ جەتى قىلمىسقا قاتىسى بارى انىقتالدى

كۇدىكتى ءوز قىلمىسىن مويىندادى.

الاياقتىق قىلمىسىنىڭ 7 دەرەگىنە قاتىسى بار الماتى تۇرعىنى انىقتالدى، دەپ حابارلايدى Almaty-akshamy.kz Polisia.kz-كە سىلتەمە جاساپ.

ساتىپ الۋ، سودان كەيىن قىمباتىراق ساتۋ. الداۋدىڭ تىزبەگىن "ىسكەر" ادام ءوزى ازىرلەگەن.

«ءبىزدىڭ بولىمشەدە 35 جاستاعى ت. ەسىمدى ازاماتقا قاتىستى ق ر قك-نىڭ 190-بابى بويىنشا قىلمىستىق ءىس قوزعالدى. ەر ادام ءوزىنىڭ تانىستارىنا ەلەكتر ەسەپتەگىش قۇرالدارىن ساتىپ الۋدى، كەيىن ولاردى ءتيىمدى باعاعا ساتۋدى ۇسىنعانى انىقتالدى. ول الەۋەتتى كليەنتتەردىڭ قىزىعۋشىلىعىن وياتقاننان كەيىن، ولاردان اقشا الىپ، بەلگىسىز باعىتقا جاسىرىنعان. جەدەل ءىس-شارالار بارىسىندا كۇدىكتى قولعا ءتۇستى. ول 7 قىلمىستىق ەپيزود جاساعانى ءۇشىن ۇستالدى. كۇدىكتى ءوز قىلمىسىن مويىندادى. ونىڭ جەكە باسى باسقا دا ىقتيمال قىلمىستاردى انىقتاۋ ءۇشىن مۇقيات تەكسەرىلىپ جاتىر. وسىعان وراي، ازاماتتاردى ۇستالعان ادامنىڭ سۋرەتىنە مۇقيات قاراپ، ونى تانىعان جاعدايدا، مىنا تەلەفون نومىرلەرىنە حابارلاسۋلارىن سۇرايمىز: 254-47-02؛ 8-702-160-06-34»، – دەدى بوستاندىق اۋداندىق پوليسيا باسقارماسىنىڭ باستىعى ماقسات قاناپيايەۆ.