ورتالىق قالالىق كلينيكالىق اۋرۋحاناعا اۋقىمدى، كوپتەگەن مايدا سۇيەك سىنىعى بار سول جاق جىلىنشىك سىنىعىمەن، جارتىلاي جاراقاتتىق ءبولىندى جانە اۋقىمدى جاراقاتى بار، مايدا سۇيەك سىنىقتارى بار جىلىنشىك جانە اياق بولىكتەرىنىڭ تەرىسى نەكروزىمەن 54 جاسار ناۋقاس ءتۇستى. بۇل جايلى وقكا تراۆماتولوگيا ءبولىمىنىڭ مەڭگەرۋشىسى بەرىك يرگالييەۆ ايتىپ بەردى.
ناۋقاستى اۋرۋحاناعا جەتكىزگەن جەدەل جاردەم بريگاداسىنىڭ ايتۋى بويىنشا، بۇل كىسىنىڭ اياعىن ۇلكەن جۇك كولىگى باسىپ كەتكەن.
ناۋقاستىڭ اسا اۋىر جاعدايىن ەسكەرە وتىرىپ، قابىلداۋ ءبولىمى ناۋقاستى بىردەن وقكا قابىلداۋ بولىمىندە ورنالاسقان جان ساقتاۋ بولىمىنە جاتقىزدى.
«اياقتى امپۋتاسيالاۋ ماسەلەسى تۇرعاندىقتان دارىگەرلەرمەن بىرلەسكەن كونسيليۋم ءوتتى. دارىگەرلەر تاۋەكەلگە بەل بۋىپ ناۋقاستىڭ اياعىن امان الۋ قالۋ ءۇشىن وتا جاساۋ شەشىمىن قابىلدادى»،- دەپ اتاپ ءوتتى يرگالييەۆ.
كۇردەلى ەكى ساعاتتىق سىرتقى جاقتان بەكىتۋ قۇرىلعىسىن پايدالانا وتىرىپ جىلىك جانە جىلىنشىك سۇيەكتەرىن بەكىتۋ ادىسىمەن جاسالعان وتانى تراۆماتولوگتار: جەڭىس تاجييەۆ جانە داۋلەت چۋكمانوۆ جاسادى. وتا بارىسىندا سۇيەكتەر بۇراندا، شەگە، پلاستينا، ينە، شتيف جانە باسقا دا قۇرالدار كومەگىمەن قايتا قۇرىلدى ءارى مىجىلعان بۇلشىقەتتەر قالپىنا كەلتىرىلدى.
دارىگەرلەر كاسىبيلىك پەن زور جۇمىس تاجىريبەسى، سونىمەن قاتار ۇقىپتى جۇمىستىڭ ارقاسىندا ناۋقاستىڭ اياعىن امپۋتاسيادان ساقتاپ، امان الىپ قالدى.
وتا ءساتتى ءوتىپ، ناۋقاس قازىرگى تاڭدا اۋرۋحانادان ۇيگە شىعارىلعان.
بۇنداي جاعداي ورتالىق قالالىق كلينيكالىق اۋرۋحانادا ءجيى بولىپ تۇرادى. اۋرۋحانا تراۆماتولوگتارى كۇندەلىكتى ادام دەنساۋلىعى مەن ءومىرىن ساقتاپ قالىپ جاتادى.
ولار باسقا ادامنىڭ ءومىرى مەن ونىڭ ساپالى جاقسى ءومىر سۇرۋىنە كومەكتەسۋ ءۇشىن ايانباي ەڭبەك ەتەتىن ادامدار.