ول شەرۋدىڭ العاشىندا بەيبىت سيپاتتا بولعانىن اتاپ ءوتتى
الماتى قالاسى پد المالى اۋداندىق پب تەرگەۋ ءبولىمىنىڭ تەرگەۋشىسى ەربول نۇرمانوۆ ءوزى كۋا بولعان وقيعامەن ءبولىستى، دەپ حابارلايدى Almaty-akshamy.kz Polisia.kz-كە سىلتەمە جاساپ.
ول شەرۋدىڭ العاشىندا بەيبىت سيپاتتا بولعانىن اتاپ ءوتتى. الاڭعا جينالعاندار جاي ۇرانداتىپ تۇرعان. ءبىراق كەيىننەن جاعداي كۇرت وزگەرگەن. ەربول نۇرمانوۆ ءوز ارىپتەستەرىمەن بىرگە قوعامدىق ءتارتىپتى قامتاماسىز ەتۋ ءۇشىن قالا اكىمدىگىنىڭ الدىندا قىزمەتتە بولعان.
«ەشقانداي پروۆوكاسياعا بەرىلمەي، ەشكىممەن سويلەسپەي، ەشكىمگە قارسىلىق كورسەتپەي، ءوز مىندەتىمىزدى اتقارىپ تۇردىق. جينالعاندار ءبىر-بىرىن بۇرىننان تانيتىنداي امانداسىپ جاتتى. قويىلعان قورشاۋلارعا جاقىنداپ «ءبىز جاققا وتىڭدەر!» دەگەندەر دە بولدى»، – دەيدى ول.
تەرگەۋشىنىڭ ايتۋىنشا، بۇلىكشىلەر ءتىپتى قىزمەتتىك اسكەري كولىكتەردى دە تارتىپ العان.