ستۋدەنت جارىلعىش قۇرىلعى جاسىرىلعانى تۋرالى ءتورت رەت جالعان حابارلاما جاساعان.
الماتىلىق ستۋدەنت كوللەدجدە ساباق بولدىرماۋ ءۇشىن بومبا تۋرالى جالعان حابارلامالار تاراتقان، - دەپ حابارلايدى اlmaty-akshamy.kz رolisia.kz سىلتەمە جاساپ.
ءتارتىپ ساقشىلارىنىڭ ايتۋىنشا، جىگىت ءتورت رەت - 27، 28 اقپان جانە 2 ناۋرىزدا تاڭەرتەڭ ەلدى دۇرلىكتىرگەن حابارلاما جىبەرگەن.
«الماتىدا ەكسترەميزمگە قارسى ءىس-قيمىل بولىمشەسىنىڭ قىزمەتكەرلەرى جۇرگەنوۆ اتىنداعى ونەر اكادەمياسى كوللەدجىنىڭ كامەلەتكە تولماعان ستۋدەنتىن انىقتاپ ۇستادى. ول وقۋ ورنىندا جارىلعىش قۇرىلعى جاسىرىلعانى تۋرالى بىرنەشە رەت جالعان حابارلاما جاسادى دەگەن كۇدىككە ءىلىندى.
ۇستالعاننان كەيىن جانە الىنعان دالەلدەمەلەردى ۇسىنعاننان كەيىن ول وقۋ ۇلگەرىمىنە بايلانىستى وقۋ پروسەسىن توقتاتۋ ءۇشىن وسى قىلمىستى جاساعانىن مويىندادى. بۇل دەرەك قازاقستان رەسپۋبليكاسى قىلمىستىق كودەكسىنىڭ 273-بابى بويىنشا تىركەلدى. ءىىم تەرروريزم اكتىسى تۋرالى كورىنەۋ جالعان حابارلاعانى ءۇشىن بەس جىلعا دەيىنگى مەرزىمگە باس بوستاندىعىنان ايىرۋ جازاسى قاراستىرىلعانىن ەسكەرتەدى. مۇنداي قىلمىستاردىڭ باسىم كوپشىلىگى كەزەكشى تاۋلىكتە اشىلادى»، – دەدى ءىىم ەكسترەميزمگە قارسى ءىس-قيمىل دەپارتامەنتى باستىعىنىڭ ورىنباسارى دارحان رازۋيەۆ.
بۇل قىلمىس ءۇشىن 14 جاستان باستاپ قىلمىستىق جاۋاپكەرشىلىك كوزدەلگەن. سونىمەن قاتار، سوت شەشىمى نەگىزىندە شىعىندار مەن وسىنداي حابارلامادان كەلتىرىلگەن بارلىق زالال وتەلۋگە ءتيىس.
ەگەر مۇنداي ارەكەتتەردى كامەلەتكە تولماعاندار جاساعان جاعدايدا زالالدى وتەۋ ولاردىڭ اتا-انالارىنا نەمەسە زاڭدى وكىلدەرىنە جۇكتەلەدى.
بارلىق كۇشتىڭ ءبىر شىعۋىنا 200-دەن 300 مىڭ تەڭگەگە دەيىن جۇمسالادى، ال كاسىپورىندار مەن ساۋدا وبەكتىلەرىنىڭ توقتاپ قالۋىنان كەلتىرىلگەن زالال ميلليونداعان تەڭگەمەن ەسەپتەلۋى مۇمكىن.
ماسەلەن، قىلمىستىق ىستەردى تەرگەۋ بارىسىندا مەملەكەتكە وسىنداي جالعان حابارلامالارمەن كەلتىرىلگەن ماتەريالدىق شىعىن جىل سايىن 500 مىڭنان 2 ميلليون تەڭگەگە دەيىن ەكەنى انىقتالدى.