مەملەكەتتىڭ بولاشاقتا تابىستى دامۋى ءۇشىن قاجەتتى شارا.
قازاقستاندا 1 قىركۇيەكتە جالپى حالىق ساناعىنىڭ ەكىنشى كەزەڭى باستالدى. ايدىڭ سوڭىنا دەيىن رەسمي سايتتا ونلاين رەجيمدە سۇراقتارعا جاۋاپ بەرۋگە بولادى. قازاقستاندىقتارمەن وففلاين سۇحبات 1 قازاندا باستالادى. ءال-فارابي اتىنداعى قازۇۋ الەۋمەتتانۋ جانە الەۋمەتتىك جۇمىس كافەدراسىنىڭ اعا وقىتۋشىسى ەركىن نوعايبايەۆ حالىق ساناعى نە ءۇشىن قاجەت، ول قانداي مىندەتتەردى ورىندايتىنى تۋرالى ايتتى، دەپ حابارلايدى Almaty-akshamy.kz.
ساراپشى ساناقتىڭ بىلتىر ءوتۋى ءتيىس ەكەنىن، ءبىراق پاندەمياعا بايلانىستى بۇل مەرزىم 1 جىلعا كەيىنگە شەگەرىلگەنىن اتاپ ءوتتى.
«ساناقتى وسى جيىلىككە سايكەس وتكىزۋ وتە ماڭىزدى. بۇل الەمدىك تاجىريبە. ءبىزدىڭ ەلدە حالىق ساناعى سوڭعى رەت 2010 جىلى جۇرگىزىلدى. ساناق ناتيجەسىندە الىنعان مالىمەتتەر ەلدىڭ الەۋمەتتىك-ەكونوميكالىق دامۋىنىڭ جوسپارلارى مەن باعدارلامالارىن ناقتىلى جاساۋ ءۇشىن ماڭىزدى. بۇل مەملەكەتتىك مۇددە تۇرعىسىنان ءتيىمدى»، - دەدى ەركىن نوعايبايەۆ.
ونىڭ پىكىرىنشە، قازاقستاننىڭ،ونىڭ ىشىندە الماتى قالاسىنىڭ ءار تۇرعىنى ساناق مەملەكەتتىڭ بولاشاقتا تابىستى دامۋى ءۇشىن قاجەتتى شارا ەكەنىن ءتۇسىنۋى كەرەك.
«ساناق مالىمەتتەرىنىڭ جيىنتىعى ءبىزدىڭ حالىقتىڭ ءار ءتۇرلى اسپەكتىلەرى مەن ەرەكشەلىكتەرىن قامتيدى. ءسىزدىڭ ءۇيىڭىز قانداي ماتەريالدان سالىنعاندىعى تۋرالى سۇراق بار. كەيبىرەۋلەر بۇل سۇراقتى دۇرىس تۇسىنبەدى، ءبىراق جاۋاپ وتە قاراپايىم – تۇرعىن ءۇي سالىنعان ماتەريالدى تالداي وتىرىپ، جالپى تۇرعىن ءۇي قورىنىڭ جاي-كۇيى، ءبىزدىڭ ازاماتتاردىڭ ءومىر ءسۇرۋ جاعدايى تۋرالى قورىتىندى جاساۋعا بولادى. سۇراقتاردىڭ دياپازونى مۇمكىندىگىنشە الۋان ءتۇرلى، الىنعان مالىمەتتەردى تالداعاننان كەيىن جان-جاقتى سۋرەت سالۋعا بولادى»، - دەپ اتاپ ءوتتى ساراپشى.
ەركىن نوعايبايەۆ ساناق مالىمەتتەرى عالىمدار – دەموگرافتار، الەۋمەتتانۋشىلار جانە ت.ب. ءۇشىن وتە ماڭىزدى ەكەنىن اتاپ ءوتتى. ولاردىڭ بارلىعى، ساراپشىنىڭ ايتۋىنشا، ناتيجەلەردى اسىعا كۇتىپ جاتىر.
وقىتۋشى 2021 جىلعى حالىق ساناعىنىڭ فورماتى تۋرالى ءوز پىكىرىن ايتتى.
«ساناق ونلاين رەجيمىندە دە ءوتىپ جاتىر. بۇل قازىرگى كەزدە قالىپتى جاعداي. ايتپاقشى، پاندەميا ءجيى ايتىلاتىن قاشىقتان وقىتۋ ءبىزدىڭ ەلدە ءساتتى جۇزەگە اسىرىلعانىن كورسەتتى. ءبىلىم بەرۋدىڭ بۇل ءتۇرى الەمدە بۇرىننان بار ەدى، ءبىراق قازاقستاندا ول ەندى عانا ەنگىزىلە باستادى. ەندى مۇنداي جاعدايلار پاندەميامەن بىرگە دامىدى، بۇكىل ەل قاشىقتان وقىتۋعا كوشتى، بارلىق مەكتەپتەر مەن بارلىق ۋنيۆەرسيتەتتەر، مۇعالىمدەر، ستۋدەنتتەر ونلاين رەجيمىندە ءبىلىم الۋ مۇمكىندىكتەرىن پايدالانا الدى»، - دەدى ەركىن نوعايبايەۆ.
ونىڭ پىكىرىنشە، بەلگىلى ءبىر جەتىستىككە، قاشىقتىقتان وقىتۋ باعىتىندا ىلگەرىلەۋگە قىسقا مەرزىمدە قول جەتكىزىلدى. ءدال وسىلاي، حالىق ساناعىندا قولدانىلاتىن ونلاين ساۋالناما ىڭعايلى، شىعىنى تومەن، اقىرىندا ول دامۋدىڭ قازىرگى زامانعى شارتتارىنا سايكەس كەلەدى»، - دەپ اتاپ ءوتتى قازۇۋ وقىتۋشىسى.
ەركىن نوعايبايەۆ جينالاتىن اقپارات ءتۇرلى سالالارداعى، اسىرەسە، الەۋمەتتىك-ەكونوميكالىق سالاداعى ماماندارعا ومىرلىك قاجەت ەكەنىن ەرەكشە اتاپ ءوتتى.
"مىسالى، وتباسىن الايىق، ءبىز وتباسىندا كىرىستەرىمىزدى، شىعىندارىمىزدى، جيناقتارىمىزدى جانۇيانىڭ ءار مۇشەسىنىڭ مۇمكىندىكتەرى مەن قاجەتتىلىكتەرىنە قاراي جوسپارلايمىز. ەگەر وعان بۇكىل ەل اۋماعىندا قارايتىن بولساق، قاجەتتى اقپارات جينايمىز، اۋقىمدى شارالاردى جوسپارلايمىز جانە بۇل وتە قاجەت"، - دەدى ساراپشى.
ەركىن نوعايبايەۆ كەز كەلگەن الەۋمەتتىك-ەكونوميكالىق دامۋ باعدارلامالارى ازىرلەنگەن كەزدە زەرتتەۋلەر ادەتتە بەلگىلى ءبىر ناقتى باعىتقا – بىلىمگە، دەنساۋلىق ساقتاۋعا، اۋىل شارۋاشىلىعىنا اسەر ەتەتىنىن ەسكەرۋ قاجەت ەكەنىن اتاپ ءوتتى. ال جالپى ساناقتىڭ ماڭىزدىلىعى – ءبىر ۋاقىتتا بۇكىل ەلدى، بارلىق نەگىزگى باعىتتاردى قامتيدى.
«بۇل ءبىزدىڭ ءارقايسىمىزعا كەرەك، ويتكەنى وسى ەلدە تۇرامىز. ەڭ باستىسى، ۇكىمەت ءار ازاماتتىڭ قاجەتتىلىگىن ەسكەرە وتىرىپ، بولاشاقتا ويداعىداي جۇمىس جاسايتىن بولادى»، - دەدى قازۇۋ اعا وقىتۋشىسى.
