الماتى قالالىق قوعامدىق دەنساۋلىق باسقارماسىنىڭ №4 قالالىق ەمحاناسىنىڭ رەابيليتولوگى ايگۇل سولتانبەك مۇنداي اۋىر ينفەكسياعا تاپ بولعان ناۋقاستاردىڭ ەموسيونالدى قيىندىقتارعا دا ۇشىراۋى مۇمكىن ەكەنىن ايتتى، دەپ حابارلايدى almaty-akshamy.kz
ايگۇل سولتانبەكتىڭ ايتۋىنشا، اۋرۋدىڭ الدىن الۋ وتە ماڭىزدى جانە بۇل ءۇشىن ماسكا رەجيمىن ساقتاۋ قاجەت. ازاماتتار حالىق كوپ جينالاتىن جەرلەردە ماسكا كيىپ، ولاردى دۇرىس كيۋدى ادەتكە اينالدىرۋى قاجەت.
«بۇل شارانىڭ بەكەر جانە دەنساۋلىققا زياندى ەكەنىنە سەنىپ، رەسمي تۇردە بەتپەردە كيەتىن ادامدار بار. سونىمەن قاتار، كوپتەگەن ادامدار مۇرىننىڭ اعۋى، تاماق اۋرۋى جانە سۋىقتىڭ باسقا دا جەڭىل بەلگىلەرىنىڭ پايدا بولۋىن اسا ماڭىزدى ەمەس دەپ سانايدى جانە ولاردى ەمدەۋگە ەشقانداي شارا قولدانبايدى، ولار ينفەكسيانى اياعىمەن الىپ جۇرەدى. وسىعان بايلانىستى، مەن ماسكا تاعۋ – بۇل قوسىمشا ءتيىمدى شارا ەكەنىن تۇسىندىرگىم كەلەدى، ول الەۋمەتتىك قاشىقتىقتى ساقتاۋ، قولدى سابىنمەن جۋۋ جانە انتيسەپتيك قولدانۋ سياقتى باسقا شارالارمەن بىرگە كوروناۆيرۋستىق ينفەكسيانىڭ الدىن الۋعا كومەكتەسەدى»، - دەدى دارىگەر-رەابيليتولوگ.
كوروناۆيرۋستىق ينفەكسيادان ساۋىعۋ تۋرالى ايتا وتىرىپ، ايگۇل سولتانبەك اۋرۋعا شالدىققانداردىڭ بارلىعىنىڭ وڭالتۋدان وتۋلەرى ءتيىس ەكەنىن ايتتى. ءتىپتى، دەرت جەڭىل وتسە دە.
«جالپى العاندا، ءار ناۋقاس ساۋىعىپ كەتۋى مۇمكىن، بۇل ۇكىم ەمەس. ءبىز كوروناۆيرۋستىڭ وكپە مەن جۇرەك-قان تامىر جۇيەسىنە اسەر ەتەتىنىن ءجيى بايقايمىز. سوندىقتان وڭالتۋ ەمدەلۋ كەزەڭىندە باستالادى جانە شىعارىلعاننان كەيىن جالعاسادى – ەمحانادا نەمەسە ۇيدە. وڭالتۋدىڭ قارسى كورسەتىلىمدەرى بار، سوندىقتان ءار ناۋقاس ءۇشىن ناقتى شارالاردى ەمدەۋشى دارىگەر انىقتايدى. ءسىز اۋىر ناۋقاستان كەيىن دە ساۋىعىپ كەتە الاسىز»، - دەدى دارىگەر.
ايگۇل سولتانبەك ناۋقاستادىڭ وكپەسى 10% عانا زاقىمدالعانىمەن، دەرتتىڭ اۋىر بولۋى مۇمكىن ەكەنىن اتاپ ءوتتى.
«دارىگەرلەر وكپەنىڭ زاقىمدانۋ دارەجەسىنە ەمەس، اعزانىڭ رەزەرۆىنە نازار اۋدارادى. ءبىز وكپەنىڭ عانا ەمەس، باسقا مۇشەلەر مەن جۇيەلەردىڭ زاقىمدالۋىن دا ەمدەيمىز»، - دەپ تولىقتىردى رەابيليتولوگ.
ايگۇل سولتانبەك كوبىنەسە كوروناۆيرۋستىق ينفەكسيادان كەيىن ناۋقاستاردا پنيەۆموسكلەروز مەن وكپە فيبروزى ءقاۋپى جوعارى بولاتىنىن اتاپ ءوتتى.
«ءبىزدىڭ ەمحانا ەمدەلۋدىڭ ءۇشىنشى كەزەڭىمەن اينالىسادى، بۇل وكپەنىڭ قالپىنا كەلۋ كەزەڭى. ساۋ كۇيدە ولار سەرپىندى جانە دەم الاتىن بولۋى كەرەك، ال فيبروز كەزىندە تىرتىقتار پايدا بولادى، سوندىقتان رەابيليتولوگ دارىگەرلەر جەكە ەم تاعايىندايدى»، - دەپ جالعاستىردى ءسوزىن ايگۇل سولتانبەك.
وكپەنىڭ جۇمىسىن جاقسارتۋ جانە قانداعى وتتەگىنىڭ قانىقتىلىعىن كوتەرۋ ءۇشىن ەمحانادا تىنىس الۋ كەشەندەرى مەن دەنەشىنىقتىرۋدىڭ ارنايى باعدارلامالارى جاسالدى.
رەابيليتولوگ دارىگەر الماتى تۇرعىندارىن ۆاكسينالاۋعا شاقىردى، ويتكەنى ۆاكسيناسيادان كەيىن، ءتىپتى كۆي-مەن اۋىرعاننان كەيىن دە ادام اۋرۋدى جەڭە الادى. كوپ جاعدايدا ۆاكسينالانعان ناۋقاستار اۋرۋحاناعا جاتقىزۋدى قاجەت ەتپەيدى.
«ۆاكسينالانعان اادامنىڭ اۋرۋى الدەقايدا جەڭىل. مۇنداي ناۋقاستاردىڭ يممۋندىق جۇيەسى جۇمىلۋعا قابىلەتتى جانە تەزىرەك ساۋىعۋعا ىقپال ەتەدى. ۆاكسينالار يممۋنيتەتتى تومەندەتپەيتىنىن، كەرىسىنشە، ونى كوتەرەتىنىن بىلگەن ءجون. ۆ توبىنداعى ۆيتاميندەر مەن امينقىشقىلدار دا دەنەنى قالپىنا كەلتىرۋگە كومەكتەسەدى»، - دەدى ايگۇل سولتانبەك.
ءسوزىنىڭ سوڭىندا دارىگەر بارلىق الماتىلىقتاردى وزدەرىن جانە اينالاسىنداعىلاردى COVID-19-دان قورعاۋ ءۇشىن ۆاكسينالانۋعا شاقىردى.
الماتىنىڭ قوعامدىق دەنساۋلىق باسقارماسىنىڭ مالىمەتى بويىنشا، 2021 جىلدىڭ 1 اقپانىنان 21 قىركۇيەگىنگى ارالىعىندا 933 678 ادام ءبىرىنشى كومپونەنتپەن، 827 239 ادام ەكىنشى كومپونەنتپەن ەگىلدى. ەگىلگەندەردىڭ جالپى سانىنان 60 جاستان اسقاندار 117 036 ادام.