قىزىلوردادا الماتىلىق قىز اسا ءىرى كولەمدەگى سينتەتيكالىق ەسىرتكىمەن ۇستالدى.
23 ماۋسىم كۇنى قىزىلوردا وبلىسى پد ەسىرتكى قىلمىسىنا قارسى ءىس-قيمىل باسقارماسىنىڭ قىزمەتكەرلەرى “قاراسورا-2022” جەدەل پروفيلاكتيكالىق ءىس-شاراسىن وتكىزۋ بارىسىندا سينتەتيكالىق ەسىرتكى زاتتارىن الماتى قالاسىنان قىزىلوردا قالاسىنا تاسىمالداۋ كەزىندە الماتى قالاسىنىڭ تۇرعىنى ۇستالدى، دەپ حابارلايدى Almaty-akshamy.kz Polisia.kz-كە سىلتەمە جاساپ.
ساراپتاما قورىتىندىسىنا سايكەس، زاتتاي دالەلدەمە رەتىندە الىنعان زات جالپى سالماعى شامامەن 6 گرامم بولاتىن مەفەدرون پرەپاراتى بولىپ شىقتى. اتالعان دەرەك بويىنشا قازاقستان رەسپۋبليكاسى قىلمىستىق كودەكسىنىڭ 297-بابى 3-بولىگى (اسا iرi مولشەردەگى ەسىرتكى، پسيحوتروپتىق زاتتارعا، سول تەكتەستەرگە قاتىستى جاسالعان ەسىرتكى، پسيحوتروپتىق زاتتاردى، سول تەكتەستەردى وتكىزۋ ماقساتىندا زاڭسىز دايىنداۋ، قايتا وڭدەۋ، يەمدەنۋ، ساقتاۋ، تاسىمالداۋ، جونەلتۋ نە وتكىزۋ) بويىنشا سوتقا دەيىنگى تەرگەپ-تەكسەرۋ ارەكەتتەرى باستالدى.
قازىرگى تاڭدا كۇدىكتى 20 جاستاعى ازاماتشا قىزىلوردا قالالىق پوليسيا باسقارماسىنىڭ ۋاقىتشا ۇستاۋ يزولياتورىنا قاماۋعا الىندى.