قازاقستان رەسپۋبليكاسى توتەنشە جاعدايلار مينيسترلىگىنىڭ 30 جىلدىعىنا وراي جانە تۇرعىندار اراسىندا قۇتقارۋشىلاردىڭ ءيميدجىن ارتتىرۋ ماقساتىندا الماتى قالاسى تج دەپارتامەنتى تەڭىز دەڭگەيىنەن 3200 مەتر بيىكتىكتە ورنالاسقان «شىمبۇلاق» تاۋ شاڭعىسى كەشەنىنەن شاڭعىمەن جانە سنوۋبوردپەن ءتۇسۋ بىرەگەي كۇش سىناعى ۇيىمداستىرىلدى.
چەللەندجدىڭ باستى ەرەكشەلىگى الماتىنىڭ ءۇش ءورت ءسوندىرۋ ءبولىمىنىڭ قۇتقارۋشىلارى سالماعى 30 كگ-نان اساتىن تولىق جاۋىنگەرلىك ەكيپيروۆكامەن كۇردەلى ءتۇسۋدى ەڭسەردى، دەپ حابارلايدى aqshamnews.kz.
بۇل سىناق چەللەندجى قاتىسۋشىلاردىڭ دەنە شىنىقتىرۋ سىناعى عانا ەمەس، ولاردىڭ توزىمدىلىگىنىڭ، اقىل-ويىنىڭ جانە كاسىبيلىگىنىڭ تاماشا ۇلگىسى دە بولدى. قۇتقارۋشىلار تاۋدا، سۋدا جانە قۇرلىقتا ورىن العان كەز كەلگەن توتەنشە جاعدايلار كەزىندە ادامداردىڭ ءومىرىن قۇتقارۋعا دايىن ەكەنىن كورسەتتى.
سونىمەن قاتار، بۇعان دەيىن قۇتقارۋشىلار 842 ساتىدان تۇراتىن «مەدەۋ» بيىك تاۋلى كەشەنىنە باسپالداقپەن كوتەرىلىپ، بىرەگەي سىناق وتكىزگەنىن اتاپ وتكەن ءجون.
بۇل وقيعا كەز كەلگەن توتەنشە جاعدايلاردا قازاقستان قۇتقارۋشىلارىنىڭ دايىندىعى مەن كاسىبيلىگىنىڭ جوعارى دەڭگەيىن تاعى ءبىر مارتە كورسەتەدى.
