الماتىدا قۇرىلىسشىلار كۇنىنە ارنالعان سالتاناتتى ءىس-شارا ءوتتى.
الماتى اكىمى ورىنباسارى بەيبىت شاحانوۆ مەملەكەت باسشىسىنىڭ اتىنان كوپ جىلعى ەڭبەگى مەن قالانىڭ دامۋىنداعى جوعارى جەتىستىكتەرى ءۇشىن سالا وكىلدەرىنە قۇرمەت ناگرادالارىن تابىس ەتتى، دەپ حابارلايدى aqshamnews.kz.
"قۇرمەت" وردەنىمەن "مونتاجسپەسستروي" اق ديرەكتورىنىڭ ورىنباسارى ليليا ۆەرتييەۆا جانە "ديال-ستروي" ج ش س باس ديرەكتورىنىڭ ورىنباسارى باقىت رىمجانوۆ ماراپاتتالدى. III دارەجەلى "ەڭبەك داڭقى" وردەنىمەن – "BAITAU INVEST" ج ش س جوبالارىنىڭ باس ساۋلەتشىسى گۇلنار ەسەنبەكوۆا. سونداي-اق "ەرەن ەڭبەگى ءۇشىن" مەدالدارى تابىستالدى.
اكىمنىڭ ورىنباسارى ءوز قۇتتىقتاۋىندا قالانىڭ دامۋ قارقىنى جانە سونىڭ سالدارىنان قالا تۇرعىندارىنىڭ ءومىر ءسۇرۋ ساپاسى قۇرىلىسشىلاردىڭ جۇمىس ناتيجەلەرىنە بايلانىستى ەكەنىن اتاپ ءوتتى.
"قالادا جىل سايىن مەكتەپتەر، اۋرۋحانالار، تۇرعىن ۇيلەر، جولدار، وندىرىستىك نىساندار سالىنادى. مۇنىڭ ءبارى ءبىزدىڭ قۇرىلىسشىلارىمىزدىڭ ارقاسىندا. بارلىق قاتىسۋشىلاردى كاسىبي مەرەكەلەرىمەن قۇتتىقتايمىن جانە بارلىق باستامالارعا ساتتىلىك تىلەيمىن"، - دەدى بەيبىت شاحانوۆ.