الماتىلىق «قايرات» فۋتزالدان بەلگيالىق «اندەرلەحت» كومانداسىمەن تەڭ ءتۇستى

الماتىلىق «قايرات» فۋتزالدان چەمپيوندار ليگاسىنىڭ العاشقى كەزدەسۋىندە بەلگيالىق «اندەرلەحت» كومانداسىمەن تەڭ ءتۇستى.

سىرت الاڭدا وتكەن ويىننىڭ بەسىنشى مينۋتىندا بەلگيالىق فرانكو ەلوۆچيچ ەسەپ اشتى. «قايرات» كومانداسى 17ء-شى مينۋتتا ەسەپتى تەڭەستىردى. ەكىنشى تايمنىڭ 23 مينۋتىندا ديەگو سوققان گولدىڭ ارقاسىندا الاڭ قوجايىندارى العا شىققان ەدى. 38-مينۋتتا داۋرەن تۇرساعۇلوۆ بەلگيالىقتاردىڭ قاقپاسىنا ەكىنشى گولدى سالىپ، ويىنعا نۇكتە قويدى. ەسەپ 2:2، دەپ حابارلايدى Almaty-akshamy.kz.

جەرلەستەرىمىز بۇگىن يسپانيانىڭ «پالمو»، ەرتەڭ فرانسيانىڭ «سپورتينگ-پاريج»كوماندالارىمەن وينايدى.

«اندەرلەحت» ءوزىنىڭ وسال ەمەس كوماندا ەكەنىن كورسەتتى. «قايراتپەن» تەڭ دارەجەدە ويناي الاتىن. ءبىراق، ءبىزدىڭ ويىنشىلار مىنەز كورسەتىپ، ناتيجەسىندە تەڭ ويىن شىقتى. الداعى ويىنداردا «قايرات» جەڭىسكە جەتەدى دەپ سەنەمىز، قولدايمىز»، - دەدى ق ر بەلگياداعى ەلشىلىگىنىڭ كەڭەسشى-ۋاكىلى، جانكۇيەر اسقار ءابدىراحمانوۆ.

«ارينە، ءبىز مۇنداي ناتيجە كۇتپەپ ەدىك. توپتاعى قارسىلاستارىمىز مىقتى، ولارمەن ويناۋ وڭاي ەمەس. دەگەنمەن، ءبىزدىڭ كوماندا كۇش جيناپ، الداعى ەكى ويىندا وڭ ناتيجە كورسەتەدى دەگەن ويدامىن»، - دەدى فۋتزالدان قازاقستان قۇراماسىنىڭ باس باپكەرى پاۋلو ريكاردو كاكا.