شەتەلدىك قوناق ءاميانىن كوك بازار ماڭىندا جوعالتقان.
الماتىلىق پوليسەيلەر شۆەسيا ازاماتشاسىنىڭ جوعالعان ءاميانىن تاۋىپ بەردى، دەپ حابارلايدى Almaty-akshamy.kz Polisia.kz-كە سىلتەمە جاساپ.
51 جاستاعى شۆەسيا ازاماتشاسى مونيكا اندەرسسون ءاميانى جوعالعانى تۋرالى پوليسياعا حابارلاعان.
«ساعات 15:00 شاماسىندا پب-عا ءبىر ايەل ادام كەلىپ، ءاميانىنىڭ جوعالعانى تۋرالى حابارلادى. مۇلىكتىڭ بەلگىلەرى مەن ايەلدىڭ ناقتى قوزعالۋ باعىتىن العاننان كەيىن، ءبىرىنشى بولىپ كريمينالدىق پوليسيا ءبولىمى مەن تەرگەۋ جەدەل توبىنىڭ قىزمەتكەرلەرى باعىت-باعدار الدى. ەكى ساعاتتىڭ ىشىندە ءاميان تابىلدى جانە يەسىنە قايتارىلدى. ءاميان ىشىندەگى زاتتار تۇگەل بولدى، – دەدى مەدەۋ اۋداندىق پوليسيا باسقارماسىنىڭ باستىعى داۋرەن وتەبايەۆ.
شۆەسيا ازاماتى مونيكا اندەرسسون الماتى پوليسەيلەرىنە العىسىن ءبىلدىردى.
«مەنىڭ ءاميانىمدى تاۋىپ بەرگەندەرىڭىز ءۇشىن سىزدەرگە ريزامىن. مەنىڭ ەشقانداي شاعىمىم جوق. سىزدەرگە كوپ راحمەت!» – دەدى، ول.