الماتىنىڭ پاترۋلدىك پوليسيا قىزمەتكەرلەرى ادام ومىرىنە اراشا ءتۇستى.
ناۋرىزباي اۋداندىق پوليسيا باسقارماسىنىڭ كەزەكشى بولىمىنە بەلگىسىز ەر ادام ءتورت قاباتتى ءۇيدىڭ شاتىرىندا وز-وزىنە قول جۇمساماق بولعانى تۋرالى حابارلاما كەلىپ تۇسكەن. قۇرامىندا پوليسيا قىزمەتكەرلەرى سەمبىباي ەرگەن مەن ومىربەك نۇرلان بار بۋران-263 پاترۋلدىك ەكيپاجى بىرنەشە مينۋتتان كەيىن وقيعا ورنىندا بولدى، دەپ حابارلايدى Almaty-akshamy.kz.
Polisia.kz دەرەگىنشە، جەرگىلىكتى تۇرعىن ماس كۇيىندە ايەلىمەن جانجالداسىپ قالعان، سول سەبەپتى ول الدىمەن ءوزىن پىشاقپەن كەسپەك بولعان. دەگەنمەن، قاننان قورىققان ول قاراۋسىز قالعان عيماراتقا بارىپ، شاتىرعا شىعىپ، سەكىرمەك بولعان. وقيعا ورنىنا جەتكەن دارىگەرلەر ەر ادامعا العاشقى مەديسينالىق كومەك كورسەتىپ، جاقىن ماڭداعى اۋرۋحاناعا الىپ كەتتى.
ءىس ماتەريالدارى جەرگىلىكتى ۋچاسكەلىك ينسپەكتورعا تاپسىرىلدى، ول ءبىرىنشى كەزەكتە ەر ادامنىڭ وتباسىلىق-تۇرمىستىق جاعدايىن تەكسەرىپ، ءوزىن-وزى ولتىرۋگە يتەرمەلەگەن ءمان-جايلاردى انىقتايتىن بولادى.