الماتىلىق پوليسەيلەر جاياۋ جۇرگىنشىنى قاعىپ كەتكەن جۇرگىزۋشىنى قۇرىقتادى

ول وقيعا ورنىنان قاشىپ كەتكەن.

ىزدەۋ ءبولىمىنىڭ قىزمەتكەرلەرى جاڭا تەحنولوگيالاردى قولدانا وتىرىپ، قاشىپ كەتكەن جۇرگىزۋشىنى انىقتادى، دەپ حابارلايدى Almaty-akshamy.kz

25 قاراشا كۇنى 04 ساعات 15 مينۋتتا الماتىنىڭ الاتاۋ اۋدانىندا ادام ولىمىمەن اياقتالعان جول-كولىك وقيعاسى بولدى.

"30 جاستاعى ر.ەسىمدى ازامات، ۆاز كولىگىن باسقارىپ كەلە جاتىپ، جۇمابايەۆ پەن سولتۇستىك اينالما كوشەلەرىنىڭ قيىلىسىندا 29 جاستاعى و.ەسىمدى ازاماتتى قاعىپ، وقيعا ورنىنان قاشىپ كەتكەن. وكىنىشكە قاراي، جاياۋ جۇرگىنشى العان جاراقاتتارى سالدارىنان اۋرۋحانادا كوز جۇمدى. ىزدەۋ ءبولىمىنىڭ قىزمەتكەرلەرى جاڭا تەحنولوگيالاردى قولدانا وتىرىپ، قاشىپ كەتكەن جۇرگىزۋشىنى انىقتادى. ول قاماۋعا الىندى. ءپد-نىڭ تەرگەۋ باسقارماسىندا ادام ولىمىنە اكەپ سوقتىرعان جول-كولىك وقيعاسىنا قاتىستى ق ر قك-نىڭ 345-بابى 3-بولىگىمەن (ابايسىزدا ادامنىڭ دەنساۋلىعىنا اۋىر زيان كەلتiرۋگە اكەپ سوققان ءدال سول ىس-ارەكەت) قوزعالعان قىلمىستىق ءىس تەرگەلىپ جاتىر. كۇدىكتى قاماۋعا الىندى"، - دەدى الماتى قالالىق پد جەرگىلىكتى پوليسيا قىزمەتى باسقارماسى باستىعىنىڭ ورىنباسارى سەرىك شۋمايەۆ.

ق ر قك-نىڭ 201 بابىنا سايكەس وزگە اقپارات تەرگەۋ مۇددەسىنە وراي جاريا ەتىلمەيدى. ق ر كونستيتۋسياسىنىڭ 77 بابى 3ء-بولىمى، 1-تارماعى، ق ر قك-نىڭ 19-بابى 1-تارماعىنا ساي كەز كەلگەن ازامات سوت شەشىمى زاڭدى كۇشىنە ەنگەنگە دەيىن كىناسىز دەپ سانالادى.