الماتىلىق ءورت سوندىرۋشىلەر كونستيتۋسيا كۇنىنە وراي 20 ءورت ءسوندىرۋ بولىمشەسى اراسىندا سپورت چەللەندجىن وتكىزدى، دەپ حابارلايدى Almaty-akshamy.kz Inform.kz-كە سىلتەمە جاساپ.
الماتىنىڭ ءورت سوندىرۋشىلەرى ەكسترەمالدى جاعدايدا وزدەرىنىڭ كاسىبي ءىس-قيمىل داعدىلارىن، كۇشىن، ەپتىلىگىن جاۋىنگەرلىك كيىمدە، كەرەك-جاراق پەن تىنىس الۋ قۇرالدارىمەن ورىنداپ كورسەتتى.
«ماسەلەن، № 4 مامانداندىرىلعان ءورت ءسوندىرۋ ءبولىمىنىڭ اعا ءورت ءسوندىرۋشىسى سادىق داۋلەت ءورت ءسوندىرۋ جەڭىنىڭ كومەگىمەن، سالماعى 8 توننادان اساتىن گازون NEXT ءورت ءسوندىرۋ اۆتوكولىگىن 20 مەترگە سۇيرەدى. سونداي-اق اتالعان ءورت ءسوندىرۋ ءبولىمىنىڭ قزمەتكەرى داۋلەت تالقامبايەۆ بەلتەمىردە كۇشتىك جاتتىعۋلار كەشەنىن كورسەتتى. ال №2 مامانداندىرىلعان ءورت ءسوندىرۋ ءبولىمىنىڭ اعا ينجەنەرى بادەن قاراباتىر ءورت ءسوندىرۋ جەڭىن بايلاپ الىپ ورنىنان سالماعى 15 توننادان اساتىن «ۋرال» ءورت ءسوندىرۋ ماشيناسىن جىلجىتىپ، بىرنەشە مەترگە سۇيرەدى»، - دەپ حابارلادى قالالىق توتەنشە جاعدايلار دەپارتامەنتىنىڭ باسپا ءسوز قىزمەتىنەن.
سپورت چەللەندجى بارىسىندا №2 مامانداندىرىلعان ءورت ءسوندىرۋ ءبولىمىنىڭ مامانى سەمباي جاراسىم تىنىس الۋ اپپاراتىن كيىپ، ءۇش ءيىندى جىلجىمالى باسپالداقتىڭ تار ساتىلارى اراسىنان ءوتىپ شىقتى.
«سونىمەن قاتار ق ر تجم الماتى قالاسى بويىنشا م. عابدۋللين ازاماتتىق قورعاۋ اكادەمياسىنىڭ وقۋ ورتالىعىنىڭ تىڭداۋشىسى كۇشتىك كروسسفيت-جاتتىعۋ ەلەمەنتتەرىن ورىنداپ، «ۋرال» اۆتوكولىگى دوڭگەلەگىنىڭ سالماعى 100 كەلىگە جۋىق شيناسىن جىلدامدىققا اۋداردى»،- دەپ اتاپ ءوتتى ۆەدومستۆودان.