الماتىلىق وقۋشىلار ءۇندىستانداعى روبوتوتەحنيكا چەمپيوناتىندا ءۇش ماراپاتقا يە بولدى

بالالار ءيزرايلدىڭ ەڭ مىقتى كومانداسىن جەڭىپ شىقتى

ءۇندىستاننىڭ پۋنا قالاسىندا وتكەن FIRST Tech challenge India Championship 2023 روبوتوتەحنيكا جارىسىندا قازاقستان اتىنان الماتى قالاسىنىڭ №81 مامانداندىرىلعان مەكتەپ وقۋشىلارى ونەر كورسەتتى، دەپ حابارلايدى Almaty-akshamy.kz. 

USTEM Robotics قوعامدىق قورىنىڭ حابارلاۋىنشا، ەكى كۇندىك جارىستىڭ قورىتىندىسى بويىنشا قازاقستاندىق وقۋشىلار ىرىكتەۋ ماچتارىندا جەڭىلىسسىز ونەر كورسەتىپ، جوعارى ءۇش ماراپاتقا يە بولدى. 

Finalist Alliance Captain Award - فينالدىق ماچتار بارىسىندا اليانستى باسقارعانى ءۇشىن ارنايى ماراپات؛
Innovate award - روبوت جاساۋداعى يننوۆاسيالىق ءتاسىل ءۇشىن ەڭ جوعارى ينجەنەرلىك ماراپات؛
Rookie Inspiration - جاڭادان كەلگەن كومانداعا بەرىلەتىن ەڭ جوعارى ماراپات.

 «ءبىز بۇل ساپاردان ۇلكەن تاجىريبە الدىق. بالالار ءيزرايلدىڭ ەڭ مىقتى كومانداسىن جەڭىپ شىقتى. الەمدىك ارەناعا العاش رەت شىققان كوماندا ءۇشىن بۇل ۇلكەن جەتىستىك. قازىلار القاسى دا بالالاردىڭ جۇمىسىن جوعارى باعالاپ، بىردەن ءۇش ماراپات تابىستادى» – دەدى جاتتىقتىرۋشى بەكزات امانوۆ.

ايتا كەتەيىك، ءۇندىستاننىڭ پۋنا قالاسىندا وتكەن FIRST Tech challenge India Championship 2023 روبوتوتەحنيكا جارىسىنا 5 ەلدەن 70 كوماندا جينالدى. قازاقستان، ءۇندىستان، يزرايل، رەسەي جانە رۋمىنيا مەملەكەتتەرىنىڭ وقۋشىلارى اراسىنان ۇزدىكتەر انىقتالدى.