الماتىلىق وقۋشىلار روبوتەحنيكادان حيۋستون مەن لوندونعا جولداما جەڭىپ الدى

الماتى قالاسىنىڭ نامىسىن قورعاعان وقۋشىلار بىرنەشە جۇلدەلى ورىندارعا يە بولدى.

23-25 اقپان كۇندەرى الماتى قالاسىنىڭ وقۋشىلارى روبوتوتەحنيكا بويىنشا ەڭ ءىرى جارىستاردىڭ ءبىرى «Central Asia FIRST Tech Championship» چەمپيوناتىنا قاتىستى، دەپ حابارلايدى Almaty-akshamy.kz

استانا قالاسىنداعى ءال-فارابي اتىنداعى وقۋشىلار سارايىندا وتكەن دوداعا قازاقستاننىڭ ءار وڭىرىنەن ءۇش مىڭنان استام وقۋشى، الەمنىڭ ءتۇرلى ەلدەرىنەن 200-دەن استام كوماندا قاتىستى.

جارىس قورىتىندىسى بويىنشا №124 مەكتەپتىڭ «Team 124» كومانداسى «Winning Alliance 2nd pick» جانە «THINK AWARD 2st place» نوميناسياسىن جانە لوندوندا وتەتىن حالىقارالىق «UK first championship 2024» جارىسىنا قاتىسۋعا جولداما، ال №206 مەكتەپ-گيمنازياسىنىڭ وقۋشىسى وڭعاربەك توميريس  اقش-تىڭ حيۋستون قالاسىندا وتەتىن «2024 FIRST Championship، Houston» جارىسىنا قاتىسۋعا سەرتيفيكات جەڭىپ الدى؛

• سونداي-اق «Qazaq Style» كومانداسى (№62، №119، №124، №200، №81، №202 مەكتەپ وقۋشىلارى) «THINK AWARD 1st place» جانە «Best Pit Award» نوميناسيالارىنىڭ؛


• №81 مەكتەپ-گيمنازياسىنىڭ «Redstone» قۇراما كومانداسى «CONNECT AWARD 3rd place» نوميناسياسىنىڭ؛


• ءبىلىم-يننوۆاسيا ليسەيى مەن م.بازاربايەۆ اتىنداعى №138 گيمنازيا وقۋشىلارىننان قۇرالعان «Sana team» كومانداسى «MOTIVATE AWARD WINNER» جانە «Best Mascot finalist»، «Best Uniform Award finalist» نوميناسيالارىنىڭ؛


• №178 ليسەيىنىڭ وقۋشىلارىننان قۇرالعان «ZOK Junoirs» كومانداسى «INNOVATE AWARD 3rd place» نوميناسياسىنىڭ؛


• First Lego League باعىتى بويىنشا م.ماقاتايەۆ اتىنداعى №140 گيمنازياسىنىڭ «ULY DALA» قۇراما كومانداسى بەدەلدى «BREAKTHROUGH AWARD» نوميناسياسىنىڭ جەڭىمپازدارى اتاندى.

تاعى ءبىر جاعىمدى جاڭالىق. الماتى مەكتەپتەرىنىڭ تۇلەكتەرى ەلىمىزدىڭ بەدەلدى جوعارى وقۋ ورىندارىنىڭ گرانت يەگەرلەرى اتاندى:

- ساتبايەۆ ۋنيۆەرسيتەتى – بيل ليسەيىنىڭ وقۋشىسى سپانديار تۇياقباي جانە №39 مامانداندىرىلعان ليسەيىنىڭ وقۋشىسى ماليكوۆ مەيىرجان،

- اۋەس – م.بازاربايەۆ اتىنداعى №138 گيمنازيا وقۋشىسى امانگەلدى شولپان، №81 مەكتەپ-گيمنازيا وقۋشىسى ءالراحات ءۇمىتحان، №140 م.ماقاتايەۆ اتىنداعى گيمنازيا وقۋشىسى نۇريلا بەردالى مەن ءمولدىر بەكەن قىزى، №178 مامانداندىرىلعان ليسەيىنىڭ وقۋشىسى ولجاس سانات ۇلى.

سونىمەن قاتار ەۋروپالىق وقۋ ورىندارىنا تۇسۋگە 100% جەڭىلدىكپەن قولداۋ كورسەتۋ گرانتى №200 مەكتەپ-گيمنازياسىنىڭ وقۋشىسى ميرا دەمەۋعالييەۆا مەن №178 مامانداندىرىلعان ليسەيىنىڭ وقۋشىسى الۋا تولەندىگە بەرىلدى.