حالىقارالىق جاۋتىكوۆ وليمپياداسىندا الماتى رەسپۋبليكالىق فيزيكا-ماتەماتيكا مەكتەبىنىڭ (رفمم) وقۋشىلارى جوعارى ناتيجە كورسەتىپ، 17 جۇلدە جەڭدى: 2 التىن، 5 كۇمىس جانە 10 قولا مەدال.
جالپى كوماندالىق ەسەپتە ولار ەكىنشى جىل قاتارىنان 3-ورىندى يەلەنىپ كەلەدى، دەپ حابارلايدى aqshamnews.kz.
بۇل تۋرالى وڭىرلىك كوممۋنيكاسيالار قىزمەتىنىڭ بريفينگىندە رفمم وقۋ جۇمىستارى جونىندەگى ديرەكتوردىڭ ورىنباسارى نۇربانۋ كابۋلوۆا حابارلادى.
1972 جىلى اكادەميك ورىنبەك جاۋتىكوۆتىڭ قولداۋىمەن قۇرىلعان بۇل مەكتەپ جارتى عاسىر ىشىندە مىڭداعان دارىندى تۇلەكتەردى تاربيەلەپ شىعاردى. ولاردىڭ قاتارىندا عالىمدار، مەملەكەتتىك قايراتكەرلەر مەن تابىستى كاسىپكەرلەر بار. بۇگىنگى تاڭدا ءرفمم-نىڭ – ءۇش فيليالى بار، الماتى، استانا جانە ورال قالالارىندا، سونداي-اق الەمنىڭ جەتەكشى جوعارى وقۋ ورىندارىنا تۇسەتىن جۇزدەگەن تۇلەكتەرىمەن ماقتانا الادى.
وقۋ باعدارلاماسى فيزيكا مەن ماتەماتيكانى تەرەڭدەتىپ وقىتۋعا باعىتتالعان، سونىمەن قاتار ينفورماتيكا، باعدارلامالاۋ، جاراتىلىستانۋ جانە گۋمانيتارلىق پاندەردى دە قامتيدى.
«قالا اكىمى ەربولات دوسايەۆ تا وسى مەكتەپتىڭ تۇلەگى. ونىڭ باسشىلىعىمەن قالادا بىرنەشە ينفراقۇرىلىمدىق جوبا جۇزەگە اسىرىلۋدا. رفمم تۇلەگى رەتىندە ول قالانى دامىتۋ مەن تۇرعىنداردىڭ ءال-اۋقاتىن جاقسارتۋعا بەلسەندى ات سالىسۋدا»، – دەدى سپيكەر.
مەكتەپتەردە وليمپياداعا دايىندىققا ەرەكشە نازار اۋدارىلادى. وقۋشىلار وليمپيادالىق رەزەرۆ مەكتەپتەرىندە وقىپ، حالىقارالىق جازعى لاگەرلەرگە قاتىسۋعا جانە رفمم-گە قابىلداۋ ءۇشىن سىناق تەستىلەرىن تاپسىرۋعا مۇمكىندىك الادى.
«ءبىز وقۋشىلاردىڭ جان-جاقتى دامۋىنا جاعداي جاسايتىنىمىزدى ماقتان تۇتامىز. بيىل 7-سىنىپقا قابىلداۋ ءۇشىن جاڭا فورماتتاعى ەمتيحان ەنگىزدىك، وندا ماتەماتيكا بويىنشا ءبىلىم عانا ەمەس، لوگيكالىق ويلاۋ دا ەسكەرىلەدى»، – دەپ اتاپ ءوتتى كابۋلوۆا.
سوڭعى جىلدارى رفمم-عا ءتۇسۋ كونكۋرسى ايتارلىقتاي ءوستى. 2024 جىلى 7000 ءوتىنىم تۇسسە، بيىل 3500 ۇمىتكەر تىركەلىپ ۇلگەردى. 3 ساۋىرگە دەيىن ءوتىنىم سانىنىڭ ايتارلىقتاي ارتۋى كۇتىلۋدە.