الماتىدا قازاقستان رەسپۋبليكاسى پرەزيدەنتىنىڭ جانىنداعى ۇلتتىق عىلىم اكادەمياسىنىڭ باستاماسىمەن قازاقستان رەسپۋبليكاسى وقۋ-اعارتۋ مينيسترلىگىمەن بىرلەسىپ ەلىمىزدە العاش رەت جاس زەرتتەۋشىلەر فورۋمى وتكىزىلدى، دەپ حابارلايدى aqshamnews.kz
ءىس-شاراعا قازاقستان رەسپۋبليكاسىنىڭ وقۋ-اعارتۋ ءمينيسترى بەيسەمبايەۆ عاني بەكتاي ۇلى، ق ر پرەزيدەنتىنىڭجانىنداعى ۇلتتىق عىلىم اكادەمياسىنىڭ اكادەميكتەرى، اكىمشىلىكتەردەگى ءبىلىم باسقارمالارىنىڭ باسشىلارى، جەتەكشى جاس عالىمدار، سونداي-اق ەلىمىزدىڭ ءار وڭىرىنەن 400-دەن استام رەسپۋبليكالىق جانە حالىقارالىق كونكۋرستاردىڭ جەڭىمپازدارى مەن جۇلدەگەرلەرى اتانعان دارىندى مەكتەپ وقۋشىلارى جانە ولاردىڭ عىلىمي جەتەكشىلەرى قاتىستى.
ق ر پرەزيدەنتىنىڭ جانىنداعى ۇلتتىق عىلىم اكادەمياسىنىڭ پرەزيدەنتى كۇرىشبايەۆ اقىلبەك قاجىعۇل ۇلى العى سوزىندە بولاشاقتا ءوز ءومىرىن عىلىمي-زەرتتەۋ جۇمىسىمەن بايلانىستىرعىسى كەلەتىن، عىلىم جولىن تاڭداۋعا قۇلشىنىس بىلدىرگەن ەلىمىزدىڭ بارلىق جاس تالانتتارىن بۇگىنگى فورۋمنىڭ اشىلۋىمەن شىن جۇرەكتەن قۇتتىقتاپ، جەمىستى جۇمىس تىلەدى.
ونىڭ ايتۋىنشا، ق ر وقۋ-اعارتۋ مينيسترلىگى وكىلدەرى، مەكتەپتەر، اكادەميكتەر جانە جاس عالىمدار كەڭەسىنىڭ مۇشەلەرىمەن بىرلەسىپ اكادەميانىڭ باسقارۋ قۇرىلىمى قالىپتاسىپ، ونىڭ قىزمەتى باستالادى.
ءوز كەزەگىندە الماتى قالاسى ءبىلىم باسقارماسىنىڭ باسشىسىنىڭ ورىنباسارى ايدىن سايلاۋباي ءوز سوزىندە فورۋم وقۋشىلاردىڭ عىلىمي-زەرتتەۋ جوبالارى مەن ازىرلەمەلەرىن تانىستىرۋعا ارنالعان اشىق الاڭعا اينالعانىن ايتتى. مۇندا ولاردىڭ دايىندىق دەڭگەيى باعالانىپ، جەتەكشى عالىمدار مەن ساراپشىلار تاراپىنان كاسىبي پىكىرلەر ايتىلدى. سونىمەن قاتار، STEM ءبىلىمىن دامىتۋ، حالىقارالىق تاجىريبەنى ورتا ءبىلىم جۇيەسىنە ەنگىزۋ جانە قازاقستانداعى مەكتەپ عىلىمىنىڭ بولاشاعى سياقتى وزەكتى ماسەلەلەر كەڭىنەن تالقىلاندى.
«الماتى دارىنى» ورتالىعىنىڭ ديرەكتورى گۋلنۋر كاريمگاجى اتاپ وتكەندەي الماتى – ءبىلىم مەن عىلىمنىڭ ورداسى. قالادا 300 مىڭنان استام وقۋشى بار، ولاردىڭ اراسىنان جۇزدەگەن جاس تالانتتار رەسپۋبليكالىق جانە حالىقارالىق زياتكەرلىك جارىستاردا توپ جارىپ كەلەدى. بۇل – ۇستازداردىڭ، مەكتەپتەردىڭ جانە ەڭ باستىسى، ىنتالى وقۋشىلاردىڭ ەڭبەگىنىڭ ناتيجەسى.
بيىل 33 وقۋشى رەسپۋبليكالىق، ال 29 وقۋشى حالىقارالىق عىلىمي بايقاۋلاردا جۇلدەلى ورىندارعا يە بولدى. بۇل – ءبىزدىڭ ورتاق جەڭىسىمىز!
فورۋمدا الماتى قالاسىنان ءتورت وقۋشى ءوز جوبالارىن ۇسىنىپ، جۇلدەلى ورىندارعا يە بولدى، بۇل الماتىلىق وقۋشىلاردىڭ جوعارى دەڭگەيدەگى دايىندىعى مەن شىعارماشىلىق الەۋەتىن راستايدى.
فورۋم باعدارلاماسىنا وقۋشىلاردىڭ عىلىمي جانە يننوۆاسيالىق جوبالارىنىڭ كورمەسى، «زياتكەر» اتتى ينتەللەكتۋالدىق كوماندالىق سايىس، سونداي-اق اكادەميك ق.ي. ساتبايەۆ اتىنداعى مۋزەيگە، ارحەولوگيا جانە قازاقستان عىلىمىنىڭ تاريحي مۋزەيلەرىنە ەكسكۋرسيالار كىردى. جاس زەرتتەۋشىلەر قۇرمەتتى اۋديتوريا الدىندا باياندامالار مەن پرەزەنتاسيالار جاسادى. ودان كەيىن فورۋم جەڭىمپازدارىن ماراپاتتاۋ ءراسىمى ءوتتى.