الماتىلىق وقۋشى جاساندى ينتەللەكت ارقىلى تەرى اۋرۋىن انىقتايتىن عىلىمي جوبا ۇسىندى، دەپ حابارلايدى aqshamnews.kz 24KZ-كە سىلتەمە جاساپ.
ول زاقىمدانعان تەرى سۋرەتتەرى ارقىلى مايمىل شەشەگى ۆيرۋسىن تابۋعا بولاتىنىن كورسەتتى. تاجىريبەلىك مودەلدىڭ اۋرۋدى انىقتاۋ دالدىگى – 95%. مەديسينا سالاسىندا جاساندى ينتەللەكتىنى قولدانۋ دەڭگەيى كۇننەن-كۇنگە ارتىپ كەلەدى. ءقازىردىڭ وزىندە دامىعان ەلدەردە رەنتگەن، مرت بەينەلەرىن جاساندى ينتەللەكتىنىڭ كومەگىمەن تالداۋ ءتۇرلى ونكولوگيالىق اۋرۋلاردى ءدال انىقتاۋعا جول اشىپ وتىر.
زياتكەرلىك مەكتەپتىڭ 11-سىنىپ وقۋشىسى ارتەم لاۆرەنتيەۆ ءوزىنىڭ عىلىمي جوباسىندا جاساندى سانانى تەرى اۋرۋلارىنىڭ سۋرەتتەرىن تالداۋعا جانە مايمىل شەشەگى اۋرۋىن انىقتاۋعا بەيىمدەدى.
ارتەم لاۆرەنتيەۆ، وقۋشى: - مودەل قولدانىستاعى VGG 16 نەيروندىق جەلىسىنىڭ نەگىزىندە جاسالدى، مودەلدىڭ كەسكىندى تانۋ قاسيەتتەرى دامىتىلىپ، بەيىمدەلدى. بۇل تەرى فوتوسۋرەتتەرىنەن اۋرۋلاردى ءدال انىقتاۋعا مۇمكىندىك بەردى. تەستىلەۋ بارىسىندا نەيروجۇيەنىڭ سۋرەتتەردى جاي عانا جاتتاپ الماي، انىقتاۋ ءۇشىن ۇلكەيتۋ قولدانىلدى. مۇنىڭ ءبارى ونىڭ وزەكتىلىگىن كورسەتتى.
تاجىريبەلىك ۇلگىنىڭ كومەگىمەن مايمىل شەشەگى، جەلشەشەك، قىزىلشا، سونداي-اق سيىر شەشەگى جانە ستوماتيت اۋرۋلارىن بىرنەشە سەكۋندتا انىقتاۋعا بولادى. دالدىگى – 95%. «جوبا ينفەكسيالىق اۋرۋدى باستاپقى كەزەڭىندە دياگنوستيكالاۋعا مۇمكىندىك بەرەدى ءارى دەنساۋلىق ساقتاۋ جۇيەسىنە تۇسەتىن جۇكتەمەنى ازايتادى»، – دەيدى ارتەم.
زياتكەرلىك مەكتەپ وقۋشىلارىنىڭ بۇدان وزگە دە بىرنەشە عىلىمي جوباسى بار.
ءدامىر ەركىمالييەۆ، فيزيكا ءپانىنىڭ ءمۇعالىمى: - جەتىنشى سىنىپتار، تومەنگى سىنىپتاردىڭ ءوزى قازىرگى تاڭدا مەيكبلوك دەگەن روبوت قۇراستىرادى. ياعني، بۇل جەردە پۋلتپەن باسقارۋ ارقىلى، ەلەكتر توعىن بىلەسىز، وتە ەلەكتريكتەرگە ءقاۋىپتى. سوندىقتان دا بۇل قاۋىپسىزدىكتى ساقتاۋ ءۇشىن جاسالىپ جاتقان قۇرىلعىلار.
وقۋشىلار كوبىنە الەۋمەتتىك جوبالارعا باسىمدىق بەرگەن. مۇمكىندىگى شەكتەۋلى جاندار ءۇشىن باسپالداققا وڭاي ءمىنىپ تۇسەتىن اربا ستارتاپ جوبالار قاتارىندا ەكىنشى ورىنعا يە بولعان. سونداي-اق جەر تەربەلىسىن سەزەتىن ولشەۋىشتىڭ دەمونۇسقاسى دا دايىن. «جەتىلدىرگەن سوڭ مەكتەبىمىزدە قولدانىسقا ەنگىزەمىز»، – دەيدى جاس زەرتتەۋشىلەر. ال ارتەم بولسا جوباسىن تولىق سىناقتان وتكىزىپ، بولاشاقتا كادەگە جاراتۋدى جوسپارلاپ وتىر.