4 ساعاتقا سوزىلعان وتا ءساتتى ءوتتى.
وپەراسيادان كەيىنگى كەزەڭ ەشبىر قيىندىقسىز ءوتىپ، دەنساۋلىعى قاناعاتتانارلىق جاعدايداعى ناۋقاس 14ء-شى كۇنى اۋرۋحانادان شىعارىلدى، دەپ حابارلايدى Almaty-akshamy.kz
الماتى ونكولوگيالىق ورتالىعىنىڭ دارىگەرلەرى اۋىر دياگنوزبەن 1965 جىلى تۋعان ايەلگە وتا جاسادى: باۋىردا، ۇلتاباردىڭ ءتۇسۋ بولىگىندە ءىىى دارەجەلى جوعارى كوتەرىلەتىن توق ىشەكتىڭ قاتەرلى ىسىگى، پارانەفرالدىك مايلى وزەك. يلەوكوليكا ۆەنا ترومبوزى.
«تەكسەرۋ كەزىندە ناۋقاستا ىسىكتىڭ ىدىراۋى دا انىقتالدى. جابىق ىشەك پەرفوراسياسى. توكسيكالىق-انەميالىق سيندروم. اۋىر انەميا. پاسيەنتتىڭ جاي-كۇيى وتە قيىن بولدى»، - دەيدى ورتالىقتىڭ ونكولوگ-حيرۋرگى نۇرلان بالتايەۆ.
ورتالىقتىڭ ونكولوگتارى كۇردەلى بىرەگەي وتا جاسادى: لاپاروتوميا، وڭ جاقتا گاستروپانكرەاتودۋادەنالدى رەزەكسيامەن كەڭەيتىلگەن بىرىكتىرىلگەن گەميكولەكتوميا، باۋىردىڭ VI سەگمەنتىنىڭ رەزەكسياسى، وڭ جاقتاعى پارانەفرالدىك مايلى تىندەردىڭ رەزەكسياسى، يلەوكوليالىق ۆەنانىڭ ترومبوەكتومياسى، ليمفوديسسەكسيا.
ءوز كەزەگىندە ونكولوگتار الماتى تۇرعىندارىن تىركەلگەن جەرى بويىنشا قالالىق ەمحانالاردا بەلسەندى تۇردە تەگىن سكرينينگتەن وتۋگە شاقىرادى، ويتكەنى مەگاپوليستە سكرينينگ پەن ونكولوگيالىق ناۋقاستاردى ەرتە دياگنوستيكالاۋدىڭ ارتۋى ارقاسىندا قاتەرلى ىسىكتەردەن بولاتىن ءولىم-جىتىم تومەندەدى. كەيىنگى كەزەڭدەردە اۋرۋدىڭ بەلگىلەرى پايدا بولعان كەزدە جانە ىسىكتىڭ تارالۋ ىقتيمالدىعى بولسا، اۋرۋدى ەمدەۋ كۇردەلەنە تۇسەدى.