ورتالىق قالالىق كلينيكالىق اۋرۋحانانىڭ نەيروحيرۋرگ-دارىگەرلەرى بەل ومىرتقانى ءتىلىپ، جاساندى يمپلانتپەن الماستىرۋ بويىنشا كۇردەلى وتا جاسادى، دەپ حابارلايدى اlmaty-akshamy.kz.
«پاسيەنت بىزگە ومىرتقا جاراقاتى اسقىنعاننان كەيىن كەلدى. بۇرىن بەل ومىرتقاسى سىنعان وعان كەشىكتىرمەي وتا جاساۋ قاجەت بولدى. ويتكەنى ۋاقىت وتكەن سايىن اياق-قولى جانسىزدانىپ، سال بولىپ قالۋ ءقاۋپى جوعارىلاي ءتۇستى»، - دەيدى بولىمشە مەڭگەرۋشىسى مارات الماتوۆ.
ايتۋىنشا، ومىرتقانى يننوۆاسيالىق ادىسپەن الماستىرۋعا مۇمكىندىك بەرەتىن جوعارى تەحنولوگيالىق وپەراسيا. "وتانىڭ مۇنداي ءتۇرى قالا بويىنشا ەكى-اق اۋرۋحانادا جاسالادى. سونىڭ ءبىرى – ورتالىق قالالىق كلينيكالىق اۋرۋحانا. ءبىزدىڭ كلينيكا كۇردەلى وتانى جاساۋعا قاجەتتى قوندىرعىلارمەن تولىق جابدىقتالعان"، - دەيدى مامان.
شەبەرلىك كلاسى شەڭبەرىندە №7 قالالىق كلينيكالىق اۋرۋحانانىڭ ومىرتقا حيرۋرگياسى ءبولىمى جەتەكشىسى باقىت اعلاقوۆپەن بىرگە جاسالعان وپەراسيا اقىسى ءمامس پاكەتى ەسەبىنەن تولەنەدى.
«ساقتاندىرۋ پاكەتىنىڭ اۋقىمى كەڭ، ول ساقتاندىرىلعان ازاماتتارعا ۇلكەن مۇمكىندىكتەر بەرەدى. وعان اعزا الماستىرۋ، بۋىن الماستىرۋ، نەيروحيرۋرگيالىق جانە كارديوحيرۋرگيالىق قىزمەتتەر كىرەدى. ونىڭ ۇستىنە پاسيەنت پايدالاناتىن قىزمەت كولەمى تولەگەن جارناسىنا تاۋەلدى ەمەس، مەديسينالىق كومەك قانشا قاجەت بولسا، سونشا پايدالانادى. مىسالى، وسى وتاعا ءمامس ەسەبىنەن 4،5 ميلليون تەڭگە تولەنەدى»، - دەدى مسق الماتى فيليالىنىڭ ديرەكتورى تىلەۋحان ابىلدايەۆ.
"ەسكەرەتىن جايت، اتالعان قىزمەت تۇرلەرىن پايدالانۋ ءۇشىن مەديسينالىق كورسەتىلىمدەر بولۋى قاجەت، - دەلىنگەن وقكا باسپاسوز-قىزمەتىنىڭ حابارلاماسىندا.