نىسانا كوزدەۋدەن قازاقستان كومانداسى پاريج وليمپياداسىنىڭ قولا جۇلدەگەرى اتاندى، دەپ حابارلايدى Olympic.kz. 10 مەترگە نىسانا كوزدەۋدەن ارالاس كوماندالىق سىندا يسلام ساتپايەۆ پەن الەكساندرا لە قولا مەدال جەڭىپ الدى.
كىشى فينالدا قازاقستان كومانداسى گەرمانيا قۇراماسىنان 17:5 ەسەبىمەن باسىم ءتۇستى. بۇل جەڭىس مەرگەندەر ءۇشىن ۇزاق ۇزىلىستەن كەيىنگى العاشقى وليمپيادا مەدالى بولىپ تابىلادى.
قازاقستان كومانداسىنىڭ باس باپكەرى ولگا دوۆگۋن.
كەرەك دەرەك
الەكساندرا لە – 2004 جىلى 3 مامىردا الماتى قالاسىندا دۇنيەگە كەلگەن.
قازاقستان رەسپۋبليكاسىنىڭ نىسانا كوزدەۋدەن حالىقارالىق دارەجەدەگى سپورت شەبەرى. العاشقى جاتتىقتىرۋشىسى ارمان ورازباي ۇلى ايسەنوۆ بولدى. 2019 جىلى ول الماتى قالاسىنا قونىس اۋدارىپ، جاتتىقتىرۋشىسى سكيبا ۆەرونيكا ۆيكتوروۆنامەن وقۋىن جالعاستىردى.
الەكساندرا لەنىڭ سپورتتىق جەتىستىكتەرى: 2024 جىلعى ازيا چەمپيونى، كۇمىس جانە قولا جۇلدەگەرى، 2023 جىلعى الەم چەمپيوناتىنىڭ جەڭىمپازى جانە كۇمىس جۇلدەگەرى، 2023 جىلعى ازيا ويىندارىنىڭ قولا جۇلدەگەرى.
يسلام ساتپايەۆ – 1998 جىلى 21 قىركۇيەكتە الماتى قالاسىندا دۇنيەگە كەلگەن.
نىسانا كوزدەۋدەن قازاقستان رەسپۋبليكاسىنىڭ حالىقارالىق سپورت شەبەرى.
2023 جىلى دجاكارتادا وتكەن الەم چەمپيوناتىنىڭ كۇمىس جۇلدەگەرى.
العاشقى جاتتىقتىرۋشى – دەريگلازوۆا ۆالەنتينا ۆاسيليەۆنا.
يسلام ساتبايەۆتىڭ جەتىستىكتەرى: 2021 جىلعى ازيا چەمپيونى، 2022 جىلعى ازيا چەمپيوناتىنىڭ كۇمىس جانە قولا جۇلدەگەرى، 2022 جىلعى الەم چەمپيوناتىنىڭ قولا جۇلدەگەرى، 2023 جىلعى الەم چەمپيوناتىنىڭ كۇمىس جانە قولا جۇلدەگەرى، قازاقستان رەسپۋبليكاسىنىڭ بىرنەشە دۇركىن چەمپيونى.