الماتى ەنەرگەتيكا جانە ەلەكتروندى تەحنولوگيالار كوللەدجىنىڭ ستۋدەنتتەرى وقۋ شەبەرحاناسىندا العاشقى كۇن پانەلدەرىن ءوندىرۋدى ىسكە قوستى.
ولار ءوز جوبالارىن جۇمىسشى ماماندىقتار قالاسىندا تانىستىردى، دەپ حابارلايدى aqshamnews.kz وقۋ-اعارتۋ مينيسترلىگىنە سىلتەمە جاساپ.
«ءبىز كۇن پانەلدەرىن تولىقتاي ءوز قولىمىزبەن جاسايمىز. الدىمەن فوتوەلەمەنتتەردى ءوزارا جالعاپ، ارنايى نەگىزگە دانەكەرلەيمىز. كەيىن پانەلدى سىرتقى اسەرلەردەن قورعاۋ ءۇشىن لاميناسيا جاسايمىز جانە ونى اليۋمينيي كورپۋسقا بەكىتەمىز. سوڭعى كەزەڭدە جۇيەنى قوسىپ، ونىڭ كۇن ەنەرگياسىن ەلەكتر قۋاتىنا قانشالىقتى ءتيىمدى اينالدىراتىنىن تەكسەرەمىز»، — دەپ ءبولىستى كوللەدجدىڭ 3-كۋرس ستۋدەنتى ءمادي جانبولات.
بۇل جوبا ستۋدەنتتەرگە جاڭارتىلاتىن ەنەرگەتيكا سالاسىنداعى زاماناۋي تەحنولوگيالاردى يگەرۋگە كومەكتەسىپ قانا قويماي، قازاقستاندا كۇن پانەلدەرىنىڭ ءوز ءوندىرىسىن دامىتۋ ءۇشىن پەرسپەكتيۆالار اشادى. بۇدان باسقا، كوللەدجدىڭ جوعارى كۋرس ستۋدەنتتەرى جەتەكشى كومپانيالارىندا اقى تولەنەتىن پراكتيكادان ءوتۋ مۇمكىندىگىنە يە بولادى.