جەلتوقسان ايىندا ەريەۆاندا وتەدى
اقتوبەدە «Baqytty Bala» ۆوكالدىق بايقاۋى اياقتالدى. وندا فەستيۆال جەڭىمپازدارى ماراپاتتالىپ، Junior Eurovision بايقاۋىنا قاتىساتىن قازاقستاندىق جاس ونەرپازدىڭ ەسىمى بەلگىلى بولدى، دەپ حابارلايدى Almaty-akshamy.kz قازاقپارات-قا سىلتەمە جاساپ.
«Baqytty Bala» بايقاۋى بيىل ءتورتىنشى رەت ۇيىمداستىرىلدى. وعان الەمنىڭ بىرنەشە ەلىنەن 21 جاس ءانشى ىرىكتەلدى.
III ورىن جانە 250 مىڭ تەڭگە جۇلدە يەگەرلەرى:
1. اياۋلىم سابىر، اقتوبە،
2. يۋليا ماكس، الماتى،
3. ەلەن باداليان، ارمەنيا،
4. يالكي ساكا، تۇركيا.
II ورىن جانە 500 مىڭ تەڭگە جۇلدەگە يەگەرلەرى:
1. ميلان پاك، وزبەكستان،
2. مەلاني گارسە، يسپانيا. ۋليانا زارۆاعا بۇيىردى.
ال ءى ورىن مەن 700 مىڭ تەڭگە جۇلدە اقتوبە (قازاقستان) ۆوكاليستى جانەركە ءابدىراحمانوۆا مەن بارناۋىلدان (رەسەي) كەلگەن ۋليانا زارۆاعا بۇيىردى.
سونداي-اق كونسەرتتە بالالار ەۆروۆيدەنيەسىنە جولداما العان جاس ونەرپازدىڭ ەسىمى بەلگىلى بولدى. كونكۋرسقا قازاقستاننىڭ اتىنان الماتىلىق جاس ۆوكاليست داۆيد چارلين بارادى. «حابار» اگەنتتىگى «Junior Eurovision 2022» ءان بايقاۋىن كورسەتۋ قۇقىعىنا يە ۇلتتىق تەلەحابار تاراتۋشى رەتىندە ەندى داۆيد ءچارليندى جان-جاقتى دايىنداپ، ارنايى ءان جازعىزىپ، جەلتوقسان ايىندا ەريەۆاندا وتەتىن كونكۋرسقا اتتاندىرادى.
ايتا كەتەيىك، «Baqytty Bala» قاتىسۋشىلارى، سونداي-اق ءداستۇر بويىنشا ارنايى سىيلىقتارعا يە بولدى. «كورەرمەن كوزايىمى» جۇلدەسىن شىمكەنتتىك ۆوكاليست ساعىن ءومىرباي ۇلى الدى. مادەنيەت قايراتكەرى قانات ايتبايەۆتىڭ «داستۇرگە ادالدىق» ارنايى جۇلدەسى مەن 200 مىڭ تەڭگەنى قاسكەلەڭنەن كەلگەن شەرحان ارىستان يەلەندى. ق ر ەڭبەك سىڭىرگەن قايراتكەرى سۆەتلانا ايتبايەۆانىڭ «ونەر قارلىعاشى» سىيلىعىمەن شىمكەنتتىك ەڭلىك بايزاق ماراپاتتالدى. «دارىن» مەملەكەتتىك جاستار سىيلىعىنىڭ لاۋرەاتى ءرۇحيا بايدۇكەنوۆانىڭ 100 مىڭ تەڭگەلىك ارنايى «ءۇمىت» جۇلدەسى دانيار دۇيسەنبەكوۆكە بۇيىردى. «حابار» اگەنتتىگىنىڭ مۋزىكالىق پروديۋسەرى جان مۇقانوۆ «ارتيستىك شەبەرلىك» ارنايى جۇلدەسى مەن 200 000 تەڭگە سىياقىنى پولشالىق ۆوكاليست يۋلياننا كيتوۆاعا بەردى.
ءداستۇر بويىنشا ديماش قۇدايبەرگەن شىعارماشىلىعىنىڭ جانكۇيەرلەرى دە ارنايى سىيلىق دايىنداعان. نۇر-سۇلتان قالاسىنىڭ قاتىسۋشىسى اقجارقىن ايدوسوۆا Dears اتىنان 170 مىڭ تەڭگە الدى.