TikTok پلاتفورماسى وقۋ-اعارتۋ مينيسترلىگىنىڭ قولداۋىمەن وتكىزىلگەن كەزەكتى #قازاقستانمۇعالىمدەرى بايقاۋىنىڭ قورىتىندىسىن شىعاردى، دەپ حابارلايدى Almaty-akshamy.kz.
«TikTok-پەن بىرگە جۇزەگە اسىرىلعان جوبامىزدىڭ ارقاسىندا ەلىمىزدەگى پەداگوگتەر جاستارمەن، ءتۇرلى بۋىنداعى ينتەرنەت قولدانىشۋلارىمەن بىرگە ءوز بىلىمدەرىن شىعارماشىلىق تۇرعىدا ءارى قىزىقتى ۇلگىدە ءبولىسۋ مۇمكىندىگىن الدى. ۇستازداردىڭ دا شەت قالماي، ينتەرنەت پلاتفورمالارىن يگىلىككە پايدالانىپ، عىلىم مەن مەكتەپ پاندەرىن كەڭىنەن ناسيحاتتاۋى قۋانتادى. #قازاقستانمۇعالىمدەرى باستاماسىنىڭ ماقساتى – پەداگوگتەردى وقىتۋدىڭ جاڭا شىعارماشىلىق ادىستەرىن اشۋعا شابىتتاندىرۋ، ساباق وقىتۋ قىزىقتى ءارى تارتىمدى ەكەنىن كورسەتۋ جانە ەلىمىزدەگى ءبىلىم بەرۋ مازمۇنىنا قىزىعۋشىلىقتى ارتتىرۋ»، - دەدى ق ر وقۋ-اعارتۋ مينيسترلىگىنىڭ باسپا ءسوز حاتشىسى مەرەكە امانگەلدى قىزى.
جوبانىڭ رەسمي امباسسادورلارى حيميك ۇلان ۇسەنوۆ @wannabeteacher، ماتەماتيك دانيار سەڭگىرباي @aks.dani، وتكەن بايقاۋدىڭ جەڭىمپازى بەكبولات كومولوۆ @the_bekbolat01، سونداي-اق مۇعالىمدەر كومانداسىنىڭ وكىلى ناريمان قارابالين @jump2mars بولدى.
بايقاۋعا ەلىمىزدىڭ ءار وڭىرىنەن مۇعالىمدەر قاتىسىپ، گۋمانيتارلىق، جاراتىلىستانۋ جانە تەحنيكالىق پاندەر بويىنشا قىسقا فورماتتاعى بەينەروليكتەرىن جاريالادى. قاتىسۋشىلار جوبانىڭ رەسمي حەشتەگتەرىن #قازاقستانمۇعالىمدەرى مەن #ۋچيتەلياكازاحستانا پايدالاندى، سونىڭ ارقاسىندا قارالىم سانى 800 ميلليوننان اسىپ ءتۇستى.
كەلەسى مۇعالىمدەر بايقاۋدىڭ جەڭىمپازدارى اتاندى:
1. «تيكتوك ءمۇعالىمى 2023»
بۇل ساناتتا بەلگىلى ءبىر ءپان بويىنشا اقپارات ناقتى جانە كرەاتيۆتى كورسەتىلگەن بەينەروليك باعالاندى. جەڭىمپازى - الماتىداعى فيزيكا ءپانىنىڭ ءمۇعالىمى حايدار مۋرزاحمەتوۆ @neverhaid اتاندى. ول قازاقستاندىق توپتىڭ تانىمال ءانىن ورىنداپ، بەلگىلى فيزيك يسااك نيۋتون مەن ونىڭ زاڭدارىنا ارناپ ءساندى بەينەبايان ءتۇسىردى. حايدار TikTok-تى فيزيكا سىندى كۇردەلى ءپاندى دە جالىقتىرماي، شىعارماشىلىق تۇرعىدا كورسەتۋگە بولاتىن edutainment-فورماتى ءۇشىن ءمىنسىز پلاتفورما ەكەنىن تاعى دا دالەلدەدى.
2. «تيكتوك وقىتۋشىسى 2023»
بۇل نوميناسيا بويىنشا ۋنيۆەرسيتەت وقىتۋشىلارى اراسىنان ەڭ كرەاتيۆتى بەينەروليك ۇسىنعان اۆتور جەڭىمپاز اتاندى. جەڭىستى الماتىلىق روبوتوتەحنيكا ءپانىنىڭ ءمۇعالىمى حامزا داۋلەتبەك @khamza_d يەلەندى. ول ەكى مينۋتتىق بەينەروليكتە Arduino پلاتفورماسىندا روبوتتى ءوز بەتىنشە قۇراستىرۋ جولىن انىق تۇسىندىرە الدى.
3. «ءمۇعالىم-جاڭالىق»
بايقاۋ اياسىندا جاسالعان بەينەروليكتەرى ەڭ كوپ قارالعان ءمۇعالىم «جاڭالىق» دەپ ەسەپتەلدى. بەينەباياندارى 8 ميلليوننان استام قارالىم جيناعان جەتىسۋ وبلىسى، الاكول اۋدانى، دوستىق اۋىلىنىڭ تۇرعىنى، ورىس ءتىلى مەن ادەبيەتى ءپانىنىڭ ءمۇعالىمى بوتاگوز وماروۆا @botagozomarova2 جەڭىمپاز اتاندى. ونىڭ ەرەجەلەردى قاراپايىم تۇردە تۇسىندىرگەن ءپوزيتيۆتى بەينەبايانى مىڭداعان قارالىمدى جيناۋدا. ەڭ تانىمال بەينەروليك ءقازىردىڭ وزىندە 3 ميلليوننان استام رەت قارالدى.
4. «ۇزدىك بەينەروليك»
بۇل نوميناسيادا TikTok-تا ەڭ كوپ قارالعان تانىمدىق بەينەروليكتىڭ اۆتورى جەڭىمپاز اتاندى. ول پاۆلودارلىق ۇستاز يگور گنويەۆا @andreichadela 5 ميلليوننان استام قارالىم جيناعان لوگيكالىق جۇمباق تۋرالى بەينەروليگى بولدى.
بايقاۋدىڭ بارلىق جەڭىمپازدارىنا باعالى سىيلىقتار – iPhone 15 Pro Max سمارتفوندارى بەرىلەدى. بۇل ولارعا ميلليونداعان TikTok قولدانۋشىلارى ءۇشىن بۇدان دا ساپالى بەينەروليكتەر تۇسىرۋگە مۇمكىندىك بەرەدى.