الماتىلىق دارىگەرلەر مي گەماتوماسىمەن ەسسىز كۇيدە جەتكىزىلگەن ناۋقاستىڭ ءومىرىن اراشالاپ قالدى

الماتىلىق دارىگەرلەر 45 جاستاعى ايەلدەن كەڭەيتىلگەن ينسۋلتتان كەيىنگى گەماتومانى الىپ تاستادى.

ورتالىق قالالىق كلينيكالىق اۋرۋحاناعا ەسسىز كۇيدە الماتى قالاسىنىڭ تۇرعىنى 45 جاسار ايەل كەلىپ ءتۇستى. جۇرگىزىلگەن كومپيۋتەرلىك توموگرافيانىڭ ناتيجەسىندە ايەلدە ۇلكەن كولەمدى مي ءىشى گەماتوماسىمەن ينسۋلت دياگنوستيكالانعان. بولىمشە مەڭگەرۋشىسى مارات الماتوۆ باستاعان نەيروحيرۋرگتار كومانداسى پاسيەنتكە شۇعىل تۇردە وپەراسيالىق ارالاسۋ - باس قاڭقاسى ترەپاسياسىن جاسادى، دەپ حابارلايدى Almaty-akshamy.kz.

ورتالىق قالالىق كلينيكالىق اۋرۋحانانىڭ باسپا ءسوز قىزمەتىنىڭ حابارلاۋىنشا، وپەراسيانىڭ بارىسىندا حيرۋرگ گەماتومانى نەمەسە ۇيىپ قالعان قاندى تولىعىمەن الىپ تاستاي الدى. وتا ءبىر جارىم ساعاتقا دەيىن سوزىلدى.

«ەگەر دە گەماتومانى الماعان جاعدايدا، وندا پاسيەنتتىڭ بولجامدى جاي-كۇيى جاعىمسىز بىتەر ەدى. پاسيەنتتىڭ ميىنا قان كەتىپ، ونىڭ سالدارى تىم قيىن بولار ەدى- ياعني، مۇگەدەكتىكتەن ءولىم سالدارىنا دەيىن باراتىن ەدى»، - دەدى نەيروحيرۋرگ مارات الماتوۆ.

ماماننىڭ ايتۋىنشا، پاسيەنت ءبىر كۇننەن سوڭ ءوز بەتىمەن قوزعالىپ جۇرە باستادى.

«پاسيەنتتىڭ مۇندايدان سوڭ اياعىنا تىك تۇرۋى وتە سيرەك كەزدەسەتىن جاي. ادەتتە، 90% ناۋقاستا وسىنداي وپەراسيادان سوڭ ءىس-قيمىل جانە سەزۋ قابىلەتى، ماسەلەن اياعى مەن قولىنىڭ قيىمىل مەن سەزىمتال بولۋى بۇزىلادى. ءبىز وپەراسيانىڭ ءساتتى وتكەنىنە قۋانىشتىمىز»، - دەدى دارىگەر.