ورتالىق قالالىق كلينيكالىق اۋرۋحاناعا 94 جاستاعى ناۋقاس شۇعىل جەتكىزىلدى. دارىگەرلەر وعان كۇردەلى جوعارى تەحنولوگيالىق وپەراسيا جاسادى، دەپ حابارلايدى almaty-akshamy.kz
قالالىق كلينيكا دارىگەرلەرى كەيۋاناعا سۇيەك سىنىقتارىنىڭ ىعىسۋى مەن وڭ جاق جامباس سۇيەگىنىڭ جابىق تۇردەگى سىنۋى دياگنوزىن قويدى. دارىگەرلەر ناۋقاسقا سۇيەكتىڭ كۇردەلى سىنىقتارىن ەمدەۋگە ارنالعان جوعارى مەديسينالىق تەحنولوگيانى قولدانا وتىرىپ، وپەراسيا جاسادى. وتاعا ورتوپەد-دارىگەر بەرىك وسپانوۆ جەتەكشىلىك ەتتى.
«جابىق رەپوزيسيا - بۇل ءبىز سىنىق ورنىن تولىعىمەن اشپاي، ەكى كىشكەنتاي جىرىق ارقىلى شاعىن ءينۆازيۆتى تاسىلمەن باقىلاۋشى رەنتگەن اپپاراتىمەن كىرىپ، سىنىقتاردى قالپىنا كەلتىرەمىز. وسى وپەراسيانى جاساعان كەزدە سۇيەكتەر تەز تۇتاسادى. وپەراسيا ءبىر ساعاتقا سوزىلىپ، ءساتتى اياقتالدى. كەلەسى كۇنى وپەراسيادان سوڭ اجەمىز ءجۇرىس ارباسىمەن جىلجىپ قوزعالا باستادى. بۇگىن پاسيەنت ساۋىعىپ ۇيىنە شىقتى»، - دەدى بەرىك وسپانوۆ.