الماتىلىق دارىگەرلەر 18 جاستاعى قىزدىڭ ءومىرىن ساقتاپ قالدى

الماتىلىق دارىگەرلەر 18 جاستاعى قىزدىڭ ءومىرىن ساقتاپ قالدى قالالىق كارديولوگيالىق ورتالىعى

الماتى قالالىق كارديولوگيالىق ورتالىعىندا العاش رەت جۇرەكتىڭ ميترال جانە تريكۋسپيدالدى قاقپاقشالارىنا پلاستيكا جاساۋ ارقىلى ءساتتى وتا جۇرگىزىلدى، دەپ حابارلايدى aqshamnews.kz

پاسيەنتكە سيرەك تىعىزدالماعان ميوكارد جانە ميترال مەن تريكۋسپيدالدى قاقپاقشالاردىڭ ايقىن جەتكىلىكسىزدىگى دياگنوزى قويىلعان.

وتا جۇرەك سوعىپ تۇرعان كۇيىندە (Beating heart) جاسالدى. بۇل قازاقستاندىق كارديوحيرۋرگيا تاجىريبەسىندە وتە سيرەك كەزدەسەتىن جاعداي.

وتانى قالالىق كارديولوگيالىق ورتالىقتىڭ ديرەكتورى، كارديوحيرۋرگ ەرماگامبەت كۋاتبايەۆ باسقارعان حيرۋرگيالىق كوماندا جۇرگىزدى.

18 جاستاعى قىز جۇرەك جەتكىلىكسىزدىگىنىڭ دەكومپەنساسيالانعان كلينيكالىق بەلگىلەرى جانە سول قارىنشانىڭ تومەن شىعارىم فراكسياسىمەن شۇعىل تۇردە كارديولوگيالىق ورتالىققا جاتقىزىلدى.

پاسيەنت جاعدايىنىڭ اۋىرلىعىن جانە جۇرەك ترانسپلانتاسياسىنا كورسەتكىشتەرىن ەسكەرە وتىرىپ، رەكونسترۋكتيۆتىك وتا جاساۋ تۋرالى شەشىم قابىلداندى، ويتكەنى جاقىن ۋاقىتتا دونور تابۋ جانە ترانسپلانتاسيا جۇرگىزۋ مۇمكىن بولمادى.

گەموديناميكالىق تۇراقسىزدىققا بايلانىستى قىز رەانيماسيالىق بولىمشەگە جاتقىزىلىپ، ارتەريالىق قىسىمدى قولداۋعا ارنالعان پرەپاراتتاردى قابىلدادى.

كەشەندى تەكسەرۋ ناتيجەلەرى (ەحو، مرت) تىعىزدالماعان ميوكارد جانە جۇرەك قاقپاقشالارىنىڭ ايقىن جەتكىلىكسىزدىگى دياگنوزىن راستادى.

بۇل جاعداي پيا يۋريي ۆلاديميروۆيچ باسشىلىعىمەن Heart Team UMC جۇرەك ورتالىعى ماماندارىمەن تەلەمەديسينا ارقىلى تالقىلاندى.

اسقىنۋدىڭ جوعارى قاۋپىنە بايلانىستى جۇرەككە سوعىپ تۇرعان كۇيىندە وتا جاساۋ شەشىمى قابىلداندى. كلاسسيكالىق نۇسقا، ياعني جاساندى قان اينالىمىن پايدالانىپ جۇرەكتى ۋاقىتشا توقتاتۋ، ميوكاردتا قايتىمسىز وزگەرىسكە جانە اۋىر جۇرەك جەتكىلىكسىزدىگىنىڭ دامۋىنا اكەلۋى مۇمكىن ەدى.

تىعىزدالماعان ميوكارد - جۇرەك قارىنشالارىنىڭ ميوكارد قۇرىلىمىنىڭ بۇزىلۋىمەن سيپاتتالاتىن گەنەتيكالىق اۋرۋ.

بۇل پاتولوگيا وتە سيرەك، حالىقتىڭ شامامەن 0،015%-دا عانا، كەزدەسەدى جانە كوبىنە جۇرەك جەتكىلىكسىزدىگىنىڭ تەز دامۋىنا جانە كەنەت ءولىم قاۋپىنە اكەلەدى.

ەرماگامبەت كۋاتبايەۆ: «بۇل جاعداي تەك اۋرۋدىڭ سيرەك كەزدەسۋىمەن عانا ەمەس، سونىمەن قاتار حيرۋرگيالىق ءتاسىلدىڭ ايرىقشا بولۋىمەن ەرەكشە. ميترال جانە تريكۋسپيدالدى قاقپاقشالارعا پلاستيكا جاساۋ - ولاردىڭ ءوزىن ساقتاۋ جانە فۋنكسياسىن قالپىنا كەلتىرۋگە مۇمكىندىك بەردى، بۇل پاسيەنتتىڭ ءارى قارايعى ءومىر ساپاسى ءۇشىن وتە ماڭىزدى. ەڭ باستىسى، بۇل وتا جۇرەك ترانسپلانتاسياسىن كۇتە تۇرۋدى مۇمكىن ەتەدى"، - دەپ اتاپ ءوتتى.

ءقازىر پاسيەنت رەابيليتاسيادان ءوتىپ، ۇيگە شىعۋعا دايىندالىپ جاتىر. قالالىق كارديولوگيالىق ورتالىقتىڭ دارىگەرلەرى ونىڭ دەنساۋلىعىن باقىلاۋدى جالعاستىرادى.

ءسىزدىڭ رەاكسياڭىز؟
ۇنايدى
0
ۇنامايدى
0
كۇلكىلى
0
شەكتەن شىققان
0
سوڭعى جاڭالىقتار

15:26

15:16

14:56

14:46

14:45

14:37

14:28

14:04

13:32

12:42

12:30

12:30

12:24

12:16

12:14

11:55

11:51

11:43

11:25

11:08

10:47

10:41

10:38

10:28

10:18