الماتىلىق دارىگەر ءجىتى برونحيت قانداي اسقىنۋعا اكەلەتىنىن ايتىپ بەردى

برونحيت - الۆەولانىڭ پايدا بولۋىنا اكەلەتىن برونحتاردىڭ شىرىشتى قابىعىنىڭ دەم الۋ «تۇتىكتەرىنىڭ» قابىنۋى، دەپ حابارلايدى Almaty-akshamy.kz قدب باسپاسوز-قىزمەتىنە سىلتەمە جاساپ.

 «ءجىتى برونحيت وكپەنى زاقىمدايتىن، بەزگەك اۋرۋىنىڭ تۋىنداۋىنا، قۇرعاق جوتەل، جالپى، السىزدىككە اكەلەتىن ينفەكسيالىق-قابىنۋ پروسەسىنىڭ برونحوپنيەۆمونيا تۇرىندەگى اسقىنۋعا اكەلەدى»، - دەيدى الماتى قالاسى №36 قالالىق ەمحانانىڭ جالپى تاجىريبە دارىگەرى انەل اكىمبايەۆا. 

- سوزىلمالى ءبرونحيتتىڭ باقىلاۋسىز ءورشۋى تۇراقتى ءجىتى پنيەۆمونيانىڭ تۋىنداۋىنا اپارىپ، ۋاقىت وتكەن سايىن وكپەنىڭ وبسترۋكتيۆتى اۋرۋىنا اكەلەدى، - دەيدى دارىگەر. 

سونىمەن قاتار، دەم الۋ تۇتىكتەرىنىڭ شىرىشتى قابىعى ءىسىنىپ ارنالارى تارىلادى، وكپە تىندەرى جيىلەپ بۇزىلا باستايدى.

انەل اكىمبايەۆا اتاپ وتكەندەي، ۋاقىتىندا ەمدەلمەگەن وبسترۋكتيۆتى برونحيت كوپ جاعدايدا كەڭىردەكتىڭ قابىنۋ پروسەسىنە ۇشىراپ، سونىڭ سالدارىنان تراحەيت تۇرىندەگى اسقىنۋدى تۋدىرادى.

ءجىتى برونحيت، ورتاشا ەسەپپەن 7-10 كۇنگە سوزىلادى. اعىمدى ءوتۋ ەرەكشەلىگىنە قاراماستان، ءجىتى برونحيت 21 كۇننىڭ ارالىعىندا وتەدى، باسقا جاعدايلاردا ول سوزىلمالى تۇرگە اينالادى.

قاراپايىمدىلىعىنا جانە اۋرۋ اعىمىنىڭ جەڭىل وتۋىنە قاراماستان، ءجىتى ءبرونحيتتى مىندەتتى تۇردە دارىگەر ەمدەۋى ءتيىس.