الماتىدا 60 جاستان اسقان 108 مىڭنان استام ازامات كوروناۆيرۋسقا قارسى ۆاكسينا الدى. الماتى قالاسىنداعى جوعارى ساناتتى دارىگەر، قوعامدىق دەنساۋلىق ساقتاۋ ماگيسترى ناتاليا راحالسكايا ەگدە جاستاعى ادامداردىڭ يممۋنيتەتى جاستارعا قاراعاندا ءالسىز ەكەنىن ءارى اۋرۋدىڭ قيىن وتەتىنىن، سوندىقتان ەكپە الۋدىڭ ساقتىق شارا ەكەنىن ايتتى، دەپ حابارلايدى almaty-akshamy.kz
«قارت ادامدار، ءبىز كورىپ وتىرعانداي، دەرتكە تەز شالدىعادى ءارى ول اسقىنىپ كەتسە، قايعىلى جاعداي دا بولۋى مۇمكىن. سوندىقتان وسى ساناتتاعىلاردىڭ ءبىرىنشى كەزەكتە ەكپە العاندارى ءجون. مەن دارىگەر رەتىندەگى كلينيكالىق تاجىريبەمنەن بايقاعانىم، ەگدە جاستاعىلار ۆاكسينالاردى جاقسى قابىلدايدى»، - دەدى ناتاليا راحالسكايا.
دارىگەر ەگدە جاستا كۆي-گە قارسى ۆاكسينا الۋ (سونىمەن قاتار تۇماۋعا قارسى) وتە ماڭىزدى جانە بۇل ءقاۋىپتى ينفەكسيانى جۇقتىرمايتىنىن ءارى ءقاۋىپتىڭ الدىن الاتىنىن ايتتى.
سونىمەن قاتار، ەكپە مازاسىزدىقتان ارىلتادى، كوڭىل-كۇيدى تىنىشتاندىرادى. ۆاكسينا العان قارت ادامدار پسيحولوگيالىق تۇرعىدان ءوزىنىڭ قورعالعانىن سەزىنەدى.