الماتىلىق ازاماتتىڭ اۋىل ماڭىنداعى وزىنە تيەسىلى جەر ۋچاسكەسىنەن 3 تونناعا جۋىق كاننابيس وسىمدىگى تاركىلەندى.
جەدەل-ىزدەستىرۋ ءىس-شارالارىن جۇرگىزۋ بارىسىندا پد ەققىقب قىزمەتكەرلەرى ەڭبەكشىقازاق اۋدانى پب قىزمەتكەرلەرىمەن بىرلەسىپ، تۇرگەن اۋىلىنىڭ ماڭىندا ورنالاسقان وزىنە تيەسىلى جەر ۋچاسكەسىندە تىيىم سالىنعان وسىمدىكتەردى وسىرۋمەن اينالىساتىن ەر ادامعا قاتىستى اقپارات الدى، دەپ حابارلايدى Almaty-akshamy.kz Polisia.kz-كە سىلتەمە جاساپ.
«اتالعان دەرەك ق ر قك-نىڭ 300-بابى بويىنشا ەڭبەكشىقازاق اۋدانىنىڭ پب-دا تىركەلدى. جەدەل-ىزدەستىرۋ ءىس-شاراسى بارىسىندا پوليسيا قىزمەتكەرلەرى الماتى قالاسىنىڭ م. ەسىمدى 44 جاستاعى تۇرعىنىن انىقتاپ، ۇستادى. جوعارىدا اتالعان جەر ۋچاسكەسىن ءتىنتۋ كەزىندە جالپى سالماعى 3 تونناعا جۋىق 742 ءتۇپ كاننابيس وسىمدىگى تابىلىپ، تاركىلەندى»، – دەدى الماتى وبلىسى پد باستىعى باۋىرجان الەنوۆ.
قازىرگى ۋاقىتتا قاجەتتى ساراپتامالىق تەكسەرۋلەر تاعايىنداۋمەن سوتقا دەيىنگى تەرگەۋ باستالدى. ۇستالعان ادام اۋداندىق ۋاقىتشا ۇستاۋ يزولياتورىنا قاماققا الىندى.