قازىرگى مەگاپوليستەر ۋربانيزاسيا، كليماتتىڭ وزگەرۋى، كولىك جۇكتەمەسىنىڭ ارتۋى مەن اۋانىڭ لاستانۋى سەكىلدى كەشەندى سىن-قاتەرلەرگە تاپ بولىپ وتىر. مۇنداي ماسەلەلەردى شەشۋ اكادەميالىق ساراپتامانى، يننوۆاسيالىق تەحنولوگيالاردى جانە مەملەكەت، بيزنەس پەن قوعام اراسىنداعى ءتيىمدى ءوزارا ارەكەتتەستىكتى تالاپ ەتەدى.
وسى سالاداعى نەگىزگى حالىقارالىق پلاتفورمالاردىڭ ءبىرى - «Smart City Expo» دۇنيەجۇزىلىك كونگرەسىنىڭ بولىگى بولىپ تابىلاتىن Tomorrow City Shanghai، ول تاجىريبە الماسۋ جانە قالانى تۇراقتى دامىتۋداعى وزىق تاجىريبەنى ىلگەرىلەتۋ ءۇشىن كاتاليزاتور قىزمەتىن اتقارادى.
2025 جىلعى 2-6 قىركۇيەك ارالىعىندا وتكەن بۇل ءىس-شارا ازيا-تىنىق مۇحيتى ايماعىنىڭ جەتەكشى ساراپشىلارىن، مەملەكەتتىك ورگانداردىڭ وكىلدەرىن، بيزنەستىڭ جانە ۋنيۆەرسيتەتتەردىڭ كوشباسشىلارىن بىرىكتىردى. باعدارلاما اياسىندا پانەلدىك پىكىرتالاستار، كورمەلەر، يننوۆاسيالىق شەشىمدەردىڭ تانىستىرىلىمدارى، سونداي-اق يندۋستريا وكىلدەرىمەن جابىق كەزدەسۋلەر ۇيىمداستىرىلدى. قاتىسۋشىلار شانحايدىڭ كاسىپكەرلىكتى قولداۋ ورتالىقتارىنان باستاپ ستارتاپ-حابتارىنا دەيىنگى ۋربانيستيكالىق جانە يندۋستريالىق دامۋ تاجىريبەلەرىمەن تانىستى.
قازاقستان اتىنان فورۋمعا Almaty Management University (AlmaU) دەلەگاسياسى قاتىستى. ونىڭ قۇرامىندا:
شولپان تازابەك، عالامدىق ارىپتەستىك جونىندەگى پرورەكتور؛
زارينا داۋلەتكان، ۋربانيستيكا ينستيتۋتىنىڭ ديرەكتورى؛
اينۇر جۇبانوۆا، ۋربانيستيكا ينستيتۋتى ديرەكتورىنىڭ ورىنباسارى.
AlmaU وكىلدەرى كونفەرەنسيانىڭ ءارتۇرلى فورماتتارىنا قاتىستى، ونىڭ ىشىندە: «City Show: Demonstration Project for Green Community Transition»، «Close Door Meeting»، «Thematic Roundtable: Tomorrow's Cities and Future Talent: A Revolution in Urban Education and Skills for a New Era».
ۋنيۆەرسيتەت Green and Safe Streets جوباسىن تانىستىردى. جوبا قالالىق جوسپارلاۋ جۇيەسىنە تاكتيكالىق شەشىمدەردى ەنگىزۋگە باعىتتالعان.
«الماتى مىسالىندا ءبىز شاعىن تاكتيكالىق شەشىمدەردىڭ قالالىق جوسپارلاۋ جۇيەسىنە جۇيەلىك تۇرعىدان ەلەۋلى ىقپال ەتە الاتىنىن كورسەتىپ وتىرمىز. AlmaU مەملەكەتتىك قۇرىلىمدارمەن جانە اكادەميالىق قاۋىمداستىقپەن ورنىقتى ارىپتەستىك ورناتىپ، بىرلەسكەن زەرتتەۋلەر مەن جوبالاردى جۇزەگە اسىرۋعا ۇمتىلادى»، - دەپ اتاپ ءوتتى زارينا داۋلەتكان.
انىقتاما:
الماتى قالاسى - AlmaU ءۇشىن قالا قۇرىلىسى سالاسىنداعى جاڭا يدەيالاردى جۇزەگە اسىرۋدىڭ بىرەگەي الاڭى. جان-جاقتى تۇراقتى دامۋدى قامتاماسىز ەتۋ ماقساتىندا ۋنيۆەرسيتەت قالا اكىمدىگىمەن جانە الماتى قالاسىن دامىتۋ ورتالىعىمەن ستراتەگيالىق باستامالار مەن ۇزاق مەرزىمدى جوبالاردى قالىپتاستىرۋدا ماڭىزدى ءرول اتقاراتىن ىنتىماقتاستىقتى نىعايتۋدى كوزدەيدى.
ءىس-شاراعا قاتىسۋدىڭ ناتيجەسىندە AlmaU ۋربانيستيكا ينستيتۋتى حالىقارالىق دەڭگەيدە مويىندالدى. Green and Safe Streets جوباسى «اقىلدى قالا ينفراقۇرىلىمىنداعى ۇزدىك جوبا» نوميناسياسىندا جەڭىمپاز اتاندى. سونىمەن قاتار، «ۋربانيستيكا جانە سيتي-مەنەدجمەنت» ءبىلىم بەرۋ باعدارلاماسىنىڭ تۇلەگى دىنمۇحاممەد ۋشپايەۆ دايىنداعان Aerial Traffic & Logistics Analysis System درونىنا جەكە ماراپات تابىستالدى.
ءىس-شاراعا ەرەكشە ءمان بەرگەنى، ماراپاتتاردى شانحاي قالاسىنىڭ باس جوسپارلاۋشىسى، پروفەسسور جانە تۋنسزي ۋنيۆەرسيتەتىنىڭ بۇرىنعى ۆيسە-پرەزيدەنتى ۆۋ مىرزا تابىس ەتتى.
«2010 جىلدان كەيىن قوعامدا ايتارلىقتاي مەنتالدىق وزگەرىسى بايقالدى: قالانى تەك قانا تۇرمىسقا ارنالعان كەڭىستىك رەتىندە قابىلداۋدان، ونى ادامعا باعىتتالعان ورتا رەتىندە تۇسىنۋگە بەتبۇرىس جاسالدى. نەگىزگى نازار قالالىق ءومىر ساپاسى، الەۋمەتتىك ءوزارا ارەكەتتەستىك جانە تۇراقتى دامۋ تۇجىرىمدامالارىنا اۋدى. بۇل تۇرعىدا ۋربانيزم قالا تۇرعىندارىنىڭ كۇندەلىكتى ءومىرىن جاقسارتۋعا باعىتتالعان ءبىلىم مەن تاجىريبە جۇيەسى رەتىندە قاراستىرىلادى»، - دەپ اتاپ ءوتتى ۆۋ مىرزا.
ءىسساپار اياسىندا AlmaU وكىلدەرى emlyon جەتەكشى فرانسۋز بيزنەس مەكتەبىنىڭ ازيالىق فيليالىندا دا بولدى. بيزنەس AlmaU- دىڭ سەرىكتەسى بولىپ تابىلادى. كەزدەسۋ بارىسىندا شانحايداعى emlyon كامپۋسىمەن ىنتىماقتاستىقتىڭ پەرسپەكتيۆالىق فورماتتارى، سونىڭ ىشىندە جەرگىلىكتى ءبىلىم بەرۋ مودۋلدەرىن ۇيىمداستىرۋ جانە قىسقا مەرزىمدى اكادەميالىق ۇتقىرلىق باعدارلامالارىن جۇزەگە اسىرۋ تالقىلاندى.
بۇل جەتىستىكتەر عىلىمي زەرتتەۋلەردى، ءبىلىم بەرۋ ۇدەرىسىن جانە يننوۆاسيالىق تاجىريبەنى ىقپالداستىرۋدىڭ تيىمدىلىگىن دالەلدەيدى. سونىمەن قاتار AlmaU-دىڭ وزەكتى قالالىق سىن-قاتەرلەردى شەشۋگە ارنالعان ناقتى قۇرالداردى قالىپتاستىراتىن ۋنيۆەرسيتەت رەتىندەگى پوزيسياسىن نىعايتا تۇسەدى.