بۇعان دەيىن 1،5 ملن-نان استام دوزاسى اكەلىنگەن.
بۇگىن الماتىعا قوسىمشا جاپپاي يممۋنداۋ جۇرگىزۋ ءۇشىن 500 مىڭ دوزا مولشەرىندە قىزىلشاعا، قىزامىققا جانە پاروتيتكە قارسى ۆاكسينا (ققپ) اكەلىندى، دەپ حابارلايدى Almaty-akshamy.kz ق ر دەنساۋلىق ساقتاۋ مينيسترلىگىنە سىلتەمە جاساپ.
ق ر دەنساۋلىق ساقتاۋ مينيسترلىگى حالىقتى يممۋنداۋ ءۇشىن ۆاكسينانىڭ قوسىمشا كولەمىن ساتىپ الۋدى پىسىقتادى. جالپى، قوسىمشا جاپپاي يممۋنداۋ جۇرگىزۋ ءۇشىن ققپ-عا قارسى ۆاكسينانىڭ 1،5 ملن.استام دوزاسى ساتىپ الىندى.
كەلگەن ۆاكسينا جەدەل تارتىپتە ق ر دسم سەبك-نىڭ بولۋىنە سايكەس ەل وڭىرلەرىنە جىبەرىلەتىن بولادى. ءبىرىڭعاي ديستريبيۋتور يممۋنوبيولوگيالىق پرەپاراتتاردىڭ لوگيستيكاسىن بارلىق GMP جانە GDP ستاندارتتارىن، سونداي-اق "سۋىقتىق تىزبەگىنى"ساقتاي وتىرىپ جۇزەگە اسىرادى.
ۆاكسيناسيالاۋ ءۇشىن "Serum Institute of India" شىعارعان قىزىلشاعا، قىزامىققا جانە پاروتيتكە (ققپ) قارسى ارالاس ۆاكسينا قولدانىلادى. بۇل ۆاكسينانى وندىرۋدە وندىرىلەتىن ۆاكسينالاردىڭ ساپاسى مەن قاۋىپسىزدىگىنە كەپىلدىك بەرەتىن ددۇ الدىن الا بىلىكتىلىگى بار. قىزىلشاعا قارسى ۆاكسينا 60 جىل بويى قولدانىلىپ كەلەدى جانە اۋرۋدىڭ تارالۋىن توقتاتۋ ءۇشىن ۇسىنىلادى.
بيىل ەلدە قىزىلشامەن سىرقاتتانۋشىلىق بويىنشا قولايسىز ەپيدەميولوگيالىق جاعداي بايقالادى.
قىزىلشا – ينفەكسيانىڭ تارالۋى اۋا تامشىلارى ارقىلى بولاتىن جۇقپالى ۆيرۋستىق ينفەكسيالاردىڭ ءبىرى. قىزىلشامەن اۋىرماعان جانە وعان قارسى ەگىلمەگەن ادامدار ءومىر بويى قىزىلشاعا وتە سەزىمتال بولىپ قالادى جانە كەز كەلگەن جاستا اۋىرىپ قالۋى مۇمكىن.
دەنساۋلىق ساقتاۋ مينيسترلىگى ەل حالقىنىڭ اراسىندا قىزىلشامەن سىرقاتتانۋشىلىقتىڭ ودان ءارى تارالۋىنىڭ الدىن الۋ ماقساتىندا اعىمداعى جىلدىڭ 6 قاراشاسىنان باستاپ قىزىلشاعا قارسى قوسىمشا جاپپاي يممۋنداۋدى باستادى.
ءبىرىنشى كەزەكتە 6 ايدان 11 ايعا دەيىنگى بالالار يممۋنداۋعا جاتادى. جەلتوقساننان باستاپ ەگۋ مارتەبەسىنە قاراماستان 2 جاستان 5 جاسقا دەيىنگى بالالاردى، مەديسينا قىزمەتكەرلەرىن (55 جاسقا دەيىن)، سونداي-اق پروفيلاكتيكالىق ەگۋدى وتكىزىپ العان 18 جاسقا دەيىنگى ادامداردى قىزىلشاعا قارسى قوسىمشا يممۋنداۋ جوسپارلانۋدا.
قىزىلشاعا قارسى پروفيلاكتيكالىق ەگۋ كۇنتىزبەسىنە سايكەس ءبىزدىڭ ەلدە جوسپارلى تۇردە ەكى رەت ەگىلەتىنىن: بالا العاشقى ەگۋدى 12-15 ايلىعىندا، ەكىنشىسىن - 6 جاسىندا الاتىنىن ەستەرىڭىزگە سالا كەتەيىك.