الماتى اكىمىنىڭ ورىنباسارى مۇحيت ازىربايەۆ وڭىرلىك كوممۋنيكاسيالار قىزمەتىنىڭ باسپا ءسوز كونفەرەنسياسىندا قالاعا قوسىلعان اۋماقتاردى ينفراقۇرىلىمدىق دامىتۋ بويىنشا جۇمىستار تۋرالى ايتىپ بەردى دەپ حابارلايدى almaty-akshamy.kz
قاراساي، تالعار جانە ىلە اۋداندارى ۋچاسكەلەرىنىڭ مەگاپوليسكە قوسىلۋىنا بايلانىستى قالا بيلىگى حالىقتى تازا اۋىز سۋمەن قامتاماسىز ەتۋگە ەرەكشە كوڭىل بولۋدە.
اكىم ورىنباسارىنىڭ ايتۋىنشا، اعىمداعى 2021 جىلى سۋمەن جابدىقتاۋ جانە سۋ بۇرۋ جەلىلەرىنىڭ قۇرىلىسى بويىنشا جۇمىستار 24 شاعىن اۋداندى قامتىدى. 10 ايدا 120 كم سۋمەن جابدىقتاۋ جانە 77 كم كارىز جەلىسى جۇرگىزىلدى. 14 شاعىن اۋداندا اعىمداعى جىلى جەلىلەردىڭ قۇرىلىسىن اياقتاۋ جوسپارلانۋدا، بۇل 23 مىڭنان استام ءۇيدى قالالىق جەلىلەرگە قوسۋعا مۇمكىندىك بەرەدى.
الماتى بيلىگى ساپالى ەلەكترمەن جابدىقتاۋ ماسەلەسىن دە نازاردان تىس قالدىرمادى.
ماسەلەن، «تۇزدىباستاۋ» قوسالقى ستانسياسىن سالۋ ەسەبىنەن تۇركسىب اۋدانىنىڭ 200 مىڭنان استام تۇرعىنى 2022 جىلى تۇراقتى ەلەكترمەن جابدىقتاۋعا قول جەتكىزەدى.
سونداي-اق، جەتىسۋ اۋدانىندا جاڭا قوسالقى ستانسيا قۇرىلىسىن باستاۋ جوسپارلانۋدا.
اكىمنىڭ ورىنباسارى تۇراقتى ەلەكترمەن جابدىقتاۋ بويىنشا جۇمىستار يەسىز جەلىلەر بويىنشا دا جۇرگىزىلىپ جاتقانىن اتاپ ءوتتى. اعىمداعى جىلى 91،8 كم ەلەكتر جەلىلەرى يەسىز دەپ تانىلىپ، «الاتاۋ جارىق كومپانياسى»اق-عا قىزمەت كورسەتۋ ءۇشىن بەرىلدى. قازىرگى ۋاقىتتا 83،5 كم يەسىز جەلىلەر ەنەرگوتيىمدىلىك جانە ينفراقۇرىلىمدىق دامۋ باسقارماسىنا بەكىتىلىپ، كەيىننەن «الاتاۋ جارىق كومپانياسى»اق-عا بەرىلەتىن بولادى.
«شەتسىز قالا» تۇجىرىمداماسىن ىسكە اسىرۋ كەزىندە سىرتقى جارىقتاندىرۋعا ەرەكشە كوڭىل بولىنەدى. قالا اكىمى باقىتجان ساعىنتايەۆتىڭ سوڭعى 2 جىلداعى باستاماسىنىڭ ارقاسىندا مەگاپوليستىڭ 1 963 كوشەسى كوشە شامدارىمەن قامتاماسىز ەتىلدى.
اكىم ورىنباسارىنىڭ ايتۋىنشا، بۇگىنگى تاڭدا مەگاپوليس تۇرعىندارىنىڭ 99،2%ء-ى تابيعي گازعا قول جەتكىزىپ وتىر. 2022 جىلى ۇيلەردىڭ 100%ء-ى گازبەن قامتاماسىز ەتىلەدى.