الماتىدا نەگىزگى كاپيتالعا سالىنعان ينۆەستيسيا كولەمى 15،8% ءوستى، دەپ حابارلايدى aqshamnews.kz
بيىل 6 ايدا الماتىدا نەگىزگى كاپيتالعا 715 ملرد تەڭگە ينۆەستيسيا تارتىلدى. ءوسىم 15،8%. جەكە ينۆەستيسيا 21،1% ءوسىپ، 656،4 ملرد تەڭگەگە جەتتى. بۇل تۋرالى الماتى قالاسى كاسىپكەرلىك جانە ينۆەستيسيالار باسقارماسى حابارلادى.
اسىرەسە، ينۆەستيسيا IT-سەكتور (3،8 ەسە ءوسۋ)، تۋريزم (2،5 ەسە)، وڭدەۋشى ونەركاسىپ (2 ەسە)، دەنساۋلىق ساقتاۋ (2 ەسە) جانە كولىك سالاسىندا (+47،1%) بايقالعان.
2024 جىلى نەگىزگى كاپيتالعا سالىنعان ينۆەستيسيا كولەمى 10% ءوسىپ، ناقتى ءوسىم 2 ترلن تەڭگەدەن استام سوماعا باعالاندى.