بۇل قىزمەتكە ەربولات دوسايەۆ كەلدى.
ەربولات دوسايەۆ الماتى قالاسىنىڭ اكىمى قىزمەتىنە تاعايىندالدى، دەپ حابارلايدى Almaty-akshamy.kz اقورداعا سىلتەمە جاساپ.
مەملەكەت باسشىسىنىڭ جارلىعىمەن باقىتجان ءابدىر ۇلى ساعىنتايەۆ قىزمەتىنەن بوساتىلدى. ول الماتى اكىمى لاۋازىمىنا 2019 جىلى تاعايىندالعان بولاتىن.
ەربولات اسقاربەك ۇلى دوسايەۆ 1970 جىلى 21 مامىردا الماتى قالاسىندا تۋعان.
1987 جىلى الماتى قالاسىنىڭ و.جاۋتىكوۆ اتىنداعى رەسپۋبليكالىق فيزيكا-ماتەماتيكالىق مەكتەپ-ينتەرناتىن ءبىتىردى. الماتى ەنەرگەتيكالىق ينستيتۋتىن، باۋمان اتىنداعى ماسكەۋ مەملەكەتتىك تەحنيكالىق ۋنيۆەرسيتەتىن ءبىتىردى.
1997 جىلى «تۇران الەم بانكى» جاق باسقارما ءتوراعاسىنىڭ ورىنباسارى، «اتف بانك» جاق باسقارما ءتوراعاسى لاۋازىمىن اتقارعان؛
1998 ج. - قازاقستان رەسپۋبليكاسى پرەمەر-مينيسترى كەڭەسشىسى؛
1998 ج. - قازاقستان رەسپۋبليكاسى ەنەرگەتيكا، يندۋستريا جانە ساۋدا ۆيسە-مينيسترى؛
2000 ج. - قازاقستان رەسپۋبليكاسى قارجى ۆيسە-مينيسترى؛
2001 ج. - قازاقستان دامۋ بانكى ديرەكتورلار كەڭەسىنىڭ ءتوراعاسى؛
2001-2003 جج. - قازاقستان رەسپۋبليكاسى تابيعي مونوپوليالار، باسەكەلەستىكتى قورعاۋ جانە شاعىن بيزنەستى قولداۋ اگەنتتىگىنىڭ ءتوراعاسى؛
2003 - 2004 جج. - قازاقستان رەسپۋبليكاسىنىڭ قارجى ءمينيسترى؛
قازاقستانداعى ەۋروپالىق قايتا قۇرۋ جانە دامۋ بانكىنىڭ باسقارۋشىسى؛
قازاقستان رەسپۋبليكاسى ۇلتتىق بانكىنىڭ باسقارما مۇشەسى؛
2004 - 2006 جج. - قازاقستان رەسپۋبليكاسىنىڭ دەنساۋلىق ساقتاۋ ءمينيسترى؛
2006 - 2012 جج. «قازينۆەستبانك» اق ديرەكتورلار كەڭەسىنىڭ ءتوراعاسى؛
2012 جىلعى 25 قىركۇيەكتەن قازاقستان رەسپۋبليكاسىنىڭ ەكونوميكالىق دامۋ جانە ساۋدا ءمينيسترى.
2013 جىلعى 16 قاڭتاردان قازاقستان رەسپۋبليكاسىنىڭ ەكونوميكا جانە بيۋدجەتتىك جوسپارلاۋ ءمينيسترى.
2014 جىلعى 6 تامىزدا قازاقستان رەسپۋبليكاسىنىڭ پرەزيدەنتىنىڭ جارلىعىمەن (№ 880) قازاقستان رەسپۋبليكاسىنىڭ ۇلتتىق ەكونوميكا ءمينيسترى بولىپ تاعايىندالدى.
2015 جىلعى 30 ساۋىردە قازاقستان رەسپۋبليكاسىنىڭ پرەزيدەنتىنىڭ جارلىعىمەن (№ 5) قازاقستان رەسپۋبليكاسىنىڭ ۇلتتىق ەكونوميكا ءمينيسترى بولىپ قايتا تاعايىندالدى.
2016-2017 جىلدارى - «بايتەرەك» ۇلتتىق حولدينگىنىڭ باسشىسى. 2017-2019 جج. ۆيسە-پرەمەر قىزمەتىن اتقارىپ كەلدى.
2019 جىلدىڭ اقپانىنان بۇگىنگە دەيىن ۇلتتىق بانك ءتوراعاسى قىزمەتىن اتقارىپ كەلدى.