الماتىدان ۇيقى قاشقان ءتۇن، لەنىڭ ليسەنزياسى، اپتاپتىڭ كەسىرىنەن شالا تۋۋ كوبەيەدى

الماتىدان ۇيقى قاشقان ءتۇن، لەنىڭ ليسەنزياسى، اپتاپتىڭ كەسىرىنەن شالا تۋۋ كوبەيەدى سۋرەت: Almaty-akshamy.kz كوللاجى

Almaty-akshamy.kz سايتىندا بۇگىن جارىق كورگەن جاڭالىقتارعا شولۋ – كۇن كەرۋەنى


الماتىدان ۇيقى قاشقان ءتۇن



كەشەگى جەر سىلكىنىسىنەن كەيىن حالىقتى قابىلداۋ پۋنكتتەرىندە تۇندە 102 ادام قونعان. ونىڭ ىشىندە 43 بالا بار. الماتىنىڭ الەۋمەتتىك نىساندارى مەن كوپپاتەرلى تۇرعىن ۇيلەرىنىڭ قيراعانى تۋرالى 156 ءوتىنىش تۇسكەن. بۇگىن اۋەجاي، تەمىرجول ۆوكزالدارى مەن مەترو شتاتتىق رەجيمدە جۇمىس ىستەپ تۇر. 


ەنەرگەتيكالىق سۋسىندار ساتىلىمىن رەتتەۋ ماڭىزدى



جۇرت گازدالعان سۋسىنداردىڭ ادام اعزاسىنا كەرى اسەرىن ايتىپ جەتكىزە الماي جۇرگەندە، ءتىپتى كوكا-كولا، فانتا، سپرايتتى بىلاي قويىپ، ءقازىر زياندىلىعى جاعىنان ولاردى ون ورايتىن ەنەرگەتيكالىق سۋسىندار شىقتى. ونى ءجيى ىشەتىن ادامداردا اسقازان-ىشەك اۋرۋلارى، اسقازان جاراسى، جۇرەك-قان تامىرلارى اۋرۋلارى پايدا بولاتىنى ءجيى ايتىلىپ ءجۇر. ال مەكتەپ جاسىنداعى بالالار، ونىڭ ىشىندە 11-15 جاس ارالىعىنداعى جاسوسپىرىمدەردىڭ 40%-دان استامى بۇل سۋسىنداردى كۇندەلىكتى تۇتىناتىنى انىقتالعان. سەبەبى جارناماسى كۇشتى. سونداي-اق جەر-جەردەگى دۇكەندەردە، دۇڭگىرشەكتەردە ەركىن ساتىلادى. نەگىزى، دارىگەرلەر 15 جاسقا تولماعان بالالارعا جانە سوزىلمالى اۋرۋلارى بار ادامدارعا ەنەرگەتيكتەردى ىشپەۋگە كەڭەس بەرەدى.          


اپتاپتىڭ كەسىرىنەن شالا تۋۋ كوبەيەدى



مۇنداي ءقاۋىپ كوك جەلەگى جوق ايماقتا نەمەسە كۇندىزگى اپتاپ ىستىقتىڭ تابى تۇندە دە قايتپايتىن وڭىردە كۇشەيەدى. اپتاپ ىستىق پەن قۇرعاقشىلىق حالىقتىڭ ءوسۋ قارقىنىن تەجەيتىنى دە ايتىلدى. مۇنداي قاتەردەن اياعى اۋىر ايەلدەر ءوزىن سالقىن جەردە كۇتىپ ۇستاۋى ارقىلى قورعاي الادى. دالىرەگى، كۇتىنگەن جۇكتى ايەلگە اپتاپ ىستىقتان تونەتىن قاتەر دەڭگەيىن 10-12 پايىزعا دەيىن تومەندەتۋگە بولادى.


تۇڭعىش كوممەنتاتورلاردىڭ ءبىرى ەدى



قازاق سپورت ءجۋرناليسى، كوممەنتاتور رابات جانىبەكوۆ 82 جاسىندا دۇنيەدەن وزدى.


رابات جانىبەكوۆ – قازاقتىڭ تۇڭعىش سپورت كوممەنتاتورلارىنىڭ ءبىرى. 1942 جىلى 27 ماۋسىمدا تۇركىستان وبلىسى، قازىعۇرت اۋدانى، رابات اۋىلىندا دۇنيەگە كەلگەن.


لەنىڭ ليسەنزياسى



ۇلتتىق قۇراما ساپىنان پاريج وليمپياداسىنا ليسەنزيا جەڭىپ العان سپورتشىنىڭ ءبىرى – وق اتۋ سپورتىنىڭ وكىلى الەكساندرا لە. وتانداسىمىز دجاكارتادا (يندونەزيا) وتكەن وق اتۋدان ليسەنزيالىق ازيا چەمپيوناتىندا وليمپيادا جولداماسىن جەڭىپ الدى.



«بۇل – مەن ءۇشىن كۇتپەگەن جاڭالىق بولدى. وليمپياداعا جولداما جەڭىپ العانىمدى ەڭ ءبىرىنشى باپكەرىمنەن ءبىلدىم. ول فينالدان كەيىن مەن ليسەنزيا جەڭىپ العانىمدى ايتپاعاندا، بىلمەس ەدىم. قۋانىشتى جاڭالىقتى ەستىگەندە قاتتى تاڭ قالدىم»، - دەپ الەكساندرا سول كەزدەگى ەموسياسىمەن ءبولىستى.


ءسىزدىڭ رەاكسياڭىز؟
ۇنايدى
0
ۇنامايدى
0
كۇلكىلى
0
شەكتەن شىققان
0
سوڭعى جاڭالىقتار

17:45

17:44

17:21

17:08

16:30

16:27

16:08

15:43

15:17

15:11

15:11

15:09

15:03

14:59

14:45

14:38

14:34

14:32

14:29

14:21

14:12

13:44

13:43

13:40

13:29