الماتىداعى جەر سىلكىنىسى – اlmaty-akshamy.kz بەتىندەگى بۇگىنگى كۇننىڭ باستى تاقىرىبى.
الماتى تۇرعىندارى كەشە تۇنگى cاعات 00:09 شاماسىندا جەر سىلكىنىسىن سەزدى.
جەر سىلكىنىسىنىڭ وشاعى الماتىدان وڭتۇستىك-شىعىسقا قاراي 264 شاقىرىم جەردە قازاقستان مەن قىرعىزستان شەكاراسىندا ورنالاسقان.
ءابجىل اكىم
ەربولات دوسايەۆ جەدەل شتابتىڭ شۇعىل كەڭەسىن وتكىزدى.
جەدەل مەديسينالىق جاردەم قىزمەتى جانە بارلىق كوپ بەيىندى ستاسيونارلار، ونىڭ ىشىندە مامانداندىرىلعان ستاسيونارلار، بالالار ستاسيونارلارى، قالانىڭ بوساندىرۋ ۇيىمدارى كۇشەيتىلگەن رەجيمدە جۇمىس ىستەدى.
الماتى قالاسىندا جەر سىلكىنىسىنە بايلانىستى 8 727 278 20 83 جانە 8 727 278 20 84 نومىرلەرى بويىنشا جەدەل جەلى جۇمىس ىستەيدى.
الماتىعا توقايەۆ كەلەدى
ەرتەڭ قازاقستان پرەزيدەنتى قاسىم-جومارت توقايەۆ جۇمىس ساپارىمەن الماتىعا كەلەدى.
پرەزيدەنت مەگاپوليستەگى ءبىرقاتار نىساندى ارالايدى. سونىڭ ىشىندە قاڭتار وقيعاسىنان كەيىن كۇردەلى جوندەۋدەن وتكەن اكىمدىك عيماراتىنا بارىپ، قالاداعى جاعدايعا بايلانىستى جيىن وتكىزەدى.
الماتىدا بارلىعى 843 ەلەكتر سيرەناسى بار
ولار 5.5 باللدان باستالاتىن جەر سىلكىنىسى كەزىندە ىسكە قوسىلادى.
الماتى قالاسى تجد باستىعى نۇرلان اتىعايەۆتىڭ ايتۋىنشا، 4-تەن 5 باللعا دەيىنگى دۇمپۋلەر تىركەلگەن كەزدە سيرەنانى قوسۋ قاجەت ەمەس. ول دۇربەلەڭ تۋدىرادى.
الماتىدا ءبىر جارىم ساعات ىشىندە 384 پۋنكت اشىلدى
قابىلداۋ پۋنكتتەرىنە 11 مىڭنان استام ادام جۇگىندى. رەتتەۋشى قۇجاتتارعا سايكەس اكىمشىلىكتىڭ حالىقتى جيناۋ پۋنكتتەرىنىڭ كەلۋ جانە اشىلۋ ۋاقىتى قىس مەزگىلىندە + 1، 5 ساعات، جازدا +1 ساعاتتى قۇرايدى. بەلگىلەنگەن ۋاقىتقا دەيىن بارلىق جيناۋ نۇكتەلەرى اشىلدى.
«كۇشتى جانە جويقىن جەر سىلكىنىسى بولمايدى»
«بىزدە جويقىن ءزىلزالا بولا ما؟ مەن 100% جوق دەپ ايتا الامىن. بىزدە كۇشتى جانە جويقىن جەر سىلكىنىسى بولمايدى، قاتتى جەر سىلكىنىسى بولمايدى. ءدۇمپۋ ازايىپ بارادى. ءبىزدىڭ قالانىڭ تۇرعىندارى مەن قوناقتارى قانداي دا ءبىر دۇمپۋلەردى سەزىنگەن جاعدايلار، جەر سىلكىنىسى كەزىندە ارەكەت ەتۋ ەرەجەلەرىن ءبىلۋ قاجەت»، دەدى ۇلتتىق سەيسمولوگيالىق باقىلاۋلار مەن زەرتتەۋلەر عىلىمي ورتالىعىنىڭ ديرەكتورى داۋلەت سارسەنبايەۆ.
ۇيلەر تونالعان جوق
قالاداعى ءتارتىپتى 2،5 مىڭعا جۋىق پوليسيا قىزمەتكەرى — پاترۋلدىك قىزمەتكەرلەر، ۋچاسكەلىك ينسپەكتورلار، يۋۆەنالدى پوليسيا قىزمەتكەرلەرى، جەدەل ۋاكىلدەر، سونداي-اق تەرگەۋ-جەدەل توپتارى قامتاماسىز ەتتى. قالامىزدا ەشقانداي توناۋ فاكتىسى تىركەلگەن جوق.
اقپاننان باستاپ اتىلمايدى
ەكولوگيا جانە تابيعي رەسۋرستار ءمينيسترى ەرلان نىسانبايەۆ "بۋاز كيىكتەردى اتىپ جاتىر" دەپ ماسەلە كوتەرگەن ازاماتتارعا جاۋاپ بەردى.
«قازاقستاندا ءقازىر 2،5 ملن كيىك بار. تەك بۋاز كيىكتەر جايلى ايتتىڭىز. قىركۇيەكتىڭ جەلتوقساننىڭ اياعىنا دەيىن اڭشىلىققا رۇقسات ەتەمىز. قاراڭىزدارشى: تامىزدا قابان تولدەيدى. قىركۇيەكتە ەلىك، تاۋەشكى كۇيلەيدى. جالپى اڭداردىڭ كوبى قاراشانىڭ ورتاسىندا كۇيلەيدى. الەمدە اڭشىلىق جاسايتىن مەرزىمدە كوپ اڭ كۇيلەيتىن كەزەڭدە بولادى. سول سەبەپتى ءبىز بيولوگيالىق عىلىمي نەگىزدەمە اياسىندا جۇمىس ىستەپ جاتىرمىز»، – دەدى ەرلان نىسانبايەۆ ۇكىمەتتىڭ باسپا ءسوز ءماسليحاتىندا.
الاياققا الدانباڭىز!
ول ءۇشىن قوڭىراۋ شالىپ، جەڭىل جولمەن اقشا تابۋدى ۇسىنعان بەلگىسىز بىرەۋلەرگە سەنبەڭىز!
قاراعاندى قالالىق پوليسيا باسقارماسىنا قاراستى كيروۆ پوليسيا بولىمىنە 59 جاستاعى ازاماتشا ارىزبەن شاعىمداندى. جابىرلەنۋشىنىڭ سوزىنشە ول الاياقتاردىڭ ىس-ارەكەتى تۋرالى حاباردار بولعان. ءوز كەزەگىندە الاياقتىق جيىلەپ كەتكەندىگى تۋرالى ءوزىنىڭ ارىپتەستەرىنە دە تۇسىندىرمە جۇمىستارىن جۇرگىزگەن. الايدا، ءوزى الاياقتىڭ قۇربانى بولعانىن سەزبەي قالعان.
الماتىدا ءىرى كولەمدە ەسىرتكى تاركىلەندى
ءتىنتۋ كەزىندە 200 كيلوگرامنان استام «مەفەدرون» ەسىرتكىسىنىڭ دايىن ءونىمى جانە 100 ليتر شيكىزاتى الىندى. دايىن ەسىرتكى زاتتارىنىڭ سالماعىنا قاراپ اتالعان زەرتحانانىڭ ەلدەگى ەڭ ءىرى زەرتحانا بولعانىن اڭعارۋعا بولادى.
قىلمىستىق كودەكستىڭ 297-بابى 3-بولىگى بويىنشا سوتقا دەيىنگى تەرگەپ-تەكسەرۋ ءجۇرىپ جاتىر.
نە جەپ ءجۇرمىز؟
تاماق ونىمدەرىنىڭ قۇرامى تالاپقا سايكەستىگى تۋرالى 83 دەكلاراسيانىڭ كۇشى جويىلدى.
ونىڭ ىشىندە 40 ءتۇرى بويىنشا تاماق ونىمدەرىنىڭ قاۋىپسىزدىگى تۋرالى نورماتيۆتەردىڭ بۇزىلۋى انىقتالدى. بۇل جەردە ءونىمنىڭ مالىمدەلگەن سيپاتتامالارى مەن قۇرامىنىڭ سانيتارلىق – ەپيدەميولوگيالىق تالاپتارعا، سونداي-اق تاڭبالاۋ تالاپتارىنا سايكەس كەلمەۋى (مەملەكەتتىك تىلدە اقپاراتتىڭ بولماۋى، ماي - قىشقىل قۇرامىنىڭ سايكەس كەلمەۋى، باكتەريالاردىڭ تابىلۋى) سياقتى بۇزۋشىلىقتار تۋرالى ايتىلىپ وتىر.
«الماتى» ساتىلا ما؟
ن. نازاربايەۆتىڭ ەكىنشى ايەلى اسەل قۇرمانبايەۆا/يسابايەۆاعا «تيەسىلى» الماتى تەاترى ساتىلىمعا شىقتى.
«تەاتر «حالىق بانكىنىڭ» مەنشىگىندەگى جەرگە سالىندى، نازاربايەۆ تەاتردى سالۋدى تيمۋر قۇلىبايەۆقا (ەكس-پرەزيدەنتتىڭ كۇيەۋ بالاسى ) تاپسىرعان بولۋى مۇمكىن جانە ول ونى ءوزى باسقاراتىن «بازيس-ا» كومەگىمەن سالدى. ءبىراق نازاربايەۆقا تەاتردىڭ قۇنى 50 ميلليون دوللار تۇراتىنىن ايتقان، شىن مانىندە ونىڭ قۇنى 10 ميلليون دوللاردان اسپاۋى مۇمكىن».