6637 اسكەري ءبولىمىنىڭ اسكەري قىزمەتكەرى ەرسىن ءجانتورين الماتى-پەتروپاۆل پويىزىندا جولاۋشىنى زورلىقتان امان الىپ قالدى، دەپ حابارلايدى Almaty-akshamy.kz.
ق ر ۇلتتىق ۇلانى ەرسىن ءجانتورين 10 اقپاندا جولاۋشىلار پويىزىمەن كەزەكتى ءىسساپارىنان قايتىپ كەلە جاتىپ، ساعات 18:00-دە ءبىر قىزدىڭ جىلاعان داۋىسىن، "كومەكتەسىڭدەر" دەپ ايقايلاعانىن ەستىگەن.
"ول ايقاي شىققان كۋپەگە بارىپ، بىرەۋدىڭ ەسىكتى كەنەت جاۋىپ جاتقانىن بايقاعان. ەسىكتى كۇشپەن اشىپ قاراسا، بۇرىشتا قورقىپ وتىرعان قىزدى، ال ونىڭ قارسىسىندا قورلىق كورسەتپەك بولعان ەر ادامدى كوردى. پوليسيا قىزمەتكەرى ەر ادامدى ۇستاپ، قابىرعاعا تاقادى. ءتارتىپ ساقشىسى سارىشاعان ستانساسىندا بۇل ازاماتتى پوليسياعا تاپسىردى"، - دەلىنگەن حابارلامادا.
قىزدىڭ ايتۋىنشا، ونىمەن ءبىر كۋپەدە بولعان ەر ادام وعان تانىس ەمەس.
"وقيعا كەشكە بولدى. اسحانادا كەشكى اس ءىشىپ بولعان سوڭ، كۋپەگە قايتىپ بارا جاتتىم. سول كەزدە جاس قىزدىڭ كومەككە شاقىرعان ايعايىن ەستىدىم. كۋپەگە كىرىپ، ءبىر ەر ادامنىڭ قىزدىڭ ابىرويىن تۇسىرمەكشى بولعانىن بايقادىم جانە ونى بىردەن ۇستاپ الدىم"، - دەيدى ەرسىن ءجانتورين.
ق ر ۇلتتىق ۇلانى قاراعاندى وبلىسىنىڭ 36 جاستاعى تۋماسىنا قاتىستى قىلمىستىق ءىس قوزعالعانىن حابارلادى.