Air Astana اۋە كومپانياسى الماتىدان ۇشاتىن جولاۋشىلارعا اۋەجايعا ەرتەرەك كەلۋ قاجەتتىگىن ەسكەرتتى، دەپ حابارلايدى Almaty-akshamy.kz Ulysmedia.kz-كە سىلتەمە جاساپ.
Air Astana اۋەكومپانياسىنىڭ حابارلاۋىنشا، جولاۋشىلار اعىنىنىڭ وسۋىنە بايلانىستى الماتى اۋەجايىندا كەپتەلىس جازعى ماۋسىمنىڭ سوڭىنا دەيىن جالعاسۋى ىقتيمال.
"رەيسكە تىركەلۋ جانە ۇشۋعا وتىرعىزۋ كەزىندە كىدىرىستەردى بولدىرماۋ ءۇشىن جولاۋشىلاردىڭ اۋەجايعا الدىن الا كەلۋى ابزال. رەيسكە ونلاين تىركەلىپ، اۋەجايعا شىقپاس بۇرىن سىلتەمە ارقىلى رەيستىڭ ستاتۋسىن تەكسەرىپ تۇرۋدى سۇرايمىز"، - دەلىنگەن حابارلامادا.
ايتا كەتەيىك، سوڭعى كەزدەرى الماتىلىقتار اۋەجايداعى ۇزىن-سونار كەزەك، كەپتەلىس جانە كولىك قوياتىن ورىنداردىڭ جوقتىعىنا شاعىمدانعان بولاتىن. الماتى اۋەجايى اكىمشىلىگى ماسەلە الداعى جىلى شەشەتىنىن ايتقان.